管理下屬技巧

我不知道你是在私人機構還是在政府部門工作,
你的情況和我曾經任職的部門有相同的經歷,
以下是我的親身經歷,
希望你可以作為一個參考,
我當時在某政府部門的一個分處做一個section head,
每年都要為下屬寫評核報告,
有一年我會見該下屬談論她當年評核報告的內容,
順道和她談論到工作上的問題,
當談論到她在工作時間很多時都傾私人電話的問題,
從傾談中知道她當年和丈夫分居,
時常都是為了兒子日後的生活問題煩惱,
所以較多時間傾私人電話,
於是我便對她說 :
『我都很體諒你,
但為了你兒子將來的生活,
你更加要在工作有好的表現,
將來可以升職加薪,
你和兒子的生活都可以得以改善;
而且還有其他同事看到你的工作表現,
為免被同事誤會你的工作表現及能力,
都是盡量減少在工作時間傾私人電話吧!』
自此以後,
雖然她間中都有傾私人電話,
但次數已經較以往為少,
而她在工作上都有好的表現,
最近從部門的內部電郵消息知道,
她已升職到另一個部門工作了.
回到正題,
雖然我的經歷和你的未必相同,
但我個人認為,
既然該下屬的工作表現良好,
只是在你短暫離開的時候傾電話,
在沒有影響工作的情況下,
可以不必刻意做任何事情,
但如果你想該下屬知道你有留意她/他傾電話,
你可以減少離開座位,
或者在平時的閒談中關心該下屬,
例如說:
『其他上司經過時,
都看見你傾電話,
為免對你工作上有任何誤會,
都是減少傾私人電話吧!』
相信如果她/他明白你的意思的話,
都應該知道有同事向你報告上述事情,
她/他都應該要收歛一下傾私人電話的時間了.

水太清則無魚。
做管理層的最重要是keep 好同上司及下屬的關係。你都想個下屬幫你手做野，同佢聽你話，你管得佢咁嚴，對你有什麼好處？
你試下正面的去想︰你叫佢做野，佢又會做，你起度時，佢都算比面你，冇傾電話，你仲想點？！定係你想佢在你起度時傾電話？還是返工時完全唔敢傾電話咁豬兜？
你行開了，佢先傾電話，一見你返嚟就收線，都當你有到拉，你捫心自問，你上司唔起度時，你會唔會傾私人電話先？會唔會做自己野先？我唔信你有試過。
至於有人話佢扮乖，基本上佢都算乖。點解d人要眼紅？！你若然因為咁而丙佢，那些打小報告的人就會得逞，因為你會聽佢地話，佢地可以控制你鐘意邊個就邊個，係佢地幫你揀手下，唔係你自己，而其他同事亦要睇佢地面色做人，費事比人打小報告，佢地就變相成為公司的話事人，你的威信就蘯然無存。而你下屬，會因為你丙佢而唔開心，第日起你面前都照傾電話，唔比面你，唔聽你話，咁你點先？你是想有個聽話的下屬，還是想有一班是非精？！
若你真係好介意你下屬在你行開時傾電話，建議︰比多d野佢做，做到佢唔得閒傾電話為止，唔駛丙的。或者你自己唔好行開，成日坐起度，等佢無得傾電話。
話說回來，那些向你打報告的人真係好得閒，咁得閒留意人地做乜同打小報告，不如比多d野佢地做，等公司唔好咁多事非。佢地今日可以打你下屬的小報告，下次會輪到你。

2008-08-08 16:09:10 補充：
sorry ，打錯。 會唔會做自己野先？我唔信你冇試過。