✔ 最佳答案
如你的父母可通過入息及資產審查是可以申請綜援的。
申請綜援時是以家庭為單位,由於你已經結左婚,所以你的父母可當為一個家庭申請。雖然你不需提交你的的入息證明給社署,但社署會要求你交代有冇生活費給父母,這亦視為他們的收入。如你沒有給家用,他們會要求你簽"衰仔紙"證明你唔養父母。
你仍係公屋單位的戶主,會視為同一間屋住申請結果會有所不同。
以下會解釋兩種唔同既情況俾你知:
1.兩老申請綜援、而公屋已轉名給他們
他們申請租金津貼的時候會實報實銷,只要不超過津貼限額,屋租會全數由社署代交。
2.兩老申請綜援,但公屋不轉名
申請綜援時而租金津貼只會依比例計算,假設戶籍現有三個人,那社署只會替他們繳交現有屋租的三分之二。
既然你已經唔係呢間屋住,例不如順便把戶主之名轉回給你的父母。這樣申請綜援起來也比較方便。
2008-08-07 23:14:06 補充:
60歲以上為之老人,兩名老人的總資產限額為51,000元
2008-08-09 00:17:18 補充:
如果你都唔係到住,而你又自願,咁要轉名唔係好困難。
另外,有可能會要兩老搬,但機會應該唔大,除非你住開間屋好鬼大間,咁少左一個人就變成寬敞戶,咁就會要佢地搬,但如果你真係好驚都話,我會建議你,先加你的兄長入戶籍,後再轉名,咁就實唔會要佢地搬。但要注意,如果佢結左婚,或結過婚都會好難加入戶籍,因為怕佢會加老婆或仔女入戶籍,跟住又話要分戶。
最後一樣係津貼,除租金津貼外,佢地可申請水費津貼,睇公立醫院同街症係唔駛錢,如果佢地係長期病患者,可申請的津貼會較多,詳情到時問番社工或上社署網頁搵下啦