點樣養魚(10點)

你何以會諗埋呢ｄ養法架．．．
首先，鹽份呢樣o野已經限制左淡水魚同海水魚呢ｄ遠親冇法子一齊生活架啦。
要知道，淡水魚「血濃於水」（生物知識，因為滲透壓高低有別），淡水會自然進入身體（主要由鰓入），或直入細胞，令細胞內外ｄ水o既滲透壓平衡。呢個現象只要你泳池游水，過後睇下手指頭ｄ皮皺哂就體驗到。因此佢地相對飲少ｄ，但好多尿，比較稀。目的就係要為身體排水，否則細胞會脹爆而死。
海水魚相反，因為海水濃於體液，於是會從身體抽走大量水份，又係有自然傾向令細胞內外水份比重平衡。所以佢地飲大量o既水，屙得少，補充流失o既水，仲要主動吸出體內鹽份排出體外。
呢兩種魚o既生理構造，決定左佢地生活o既環境。勉強放埋一齊，短時間之內佢地就會因為身體水／鹽份失衡而死。除非你係一個缸開兩格，一邊鹹一邊淡啦。
另一可能，係養鹹／淡水，加入一種「汽水魚」，所謂汽水唔係可樂芬達，而係 brackish water，指河口呢種鹹淡水交界水域，由於鹽份不穩定，呢度o既魚都有特殊生理機制，可以適應較淡鹽份，或者捱得住純淡水。常見o既呢ｄ魚有雞泡（娃娃）、黃鰭倉、金鼓等。
如果你養鹹水，可以將呢ｄ汽水魚視為淡水魚，咁一齊養，反之亦然，可以略為滿足下你個願望o既。

2008-08-08 10:59:56 補充：
上網印？

2008-08-09 10:42:18 補充：
哦，食水．．．又學到o野。

「一齊養在同一缸水」，字面意思係「同一個缸唔分兩格」，用食水，兼「養」鹹淡水魚。厲害。

唔知你屋企ｄ食水係鹹水定淡水？

你有冇見過海鮮酒家將石斑同鯉魚放入同一格？

2008-08-09 23:46:09 補充：
我係你雙倍都唔止。

如果你屋企人養魚，你即管問佢，水喉水唔加鹽係唔係可以養鹹水魚。我答案俾你o既就係唔得o既原因。如果你話「用食水咪可以」係有網上出處o既，不妨告知，等我都睇下、笑下。

用pi水咪得lo

淡水魚同海水魚不可以一起養在同一缸水，因為淡水魚習慣在淡水生活，而海水魚習慣在海水生活