買熊仔鼠要準備d咩?食d咩 玩d咩?

A.養熊仔鼠要準備既野同一般既鼠都係一樣,只係用品,玩具同籠都要比較大先得,而食既野都係一樣,正常時只要俾混合鼠糧同草or草磚就足夠,太多雜食反而令鼠鼠易生病養鼠要買既物品資料,可參考以下我回答既知識:
http://hk.knowledge.yahoo.com/question?qid=7008070102624

而養前考慮及飼養方法可參考:
http://hk.knowledge.yahoo.com/question?qid=7008050302859

B.熊仔鼠轉輪要買大D,直徑16cm左右,記緊買轉輪要冇隙,地板,樓梯都係,唔係就好易卡住鼠鼠隻腳

C.養熊仔鼠同養其他品種既倉鼠分別如下:
1)倉鼠本身係獨居動物,而熊仔鼠比其他品種既鼠更早會攻擊同類,所以買既時候要檢查清楚有冇受傷.雖然買咩鼠都要睇真d,但熊仔鼠係打得特別勁既,連寵物度都好難話一個地方放好多隻.放到都受傷不淺,之前我去買熊仔鼠就見到好多好多都係咁

2) 因為熊仔鼠好大隻,所以所需空間都比較大,空間太小會令鼠鼠有壓力既.而轉輪都要大d,唔係大左就玩唔到架啦
都因為咁,唔好俾d較細既玩具俾佢玩,特別係有位入到去or有隙既玩具,因為有機會令鼠鼠入左出唔返,又或卡住在隙,鼠鼠實在太喜歡見到細小既隙就鑽過去,我細個就係有樣玩具有d好似籠邊既欄咁,一間間,鼠鼠過到少少,但又過唔晒,出唔到唻,又幫佢唔到,之後好辛苦出返唻,但已經內傷了,即日就死了...

3)有d人會覺得細隻既鼠得意d,隻鼠大大下就會冇咁鍾意,所以要諗清楚係咪真係鍾意大大隻既熊仔鼠,我自己就反而喜歡熊仔鼠夠大隻

4)熊仔鼠我覺得係最怕人既,我一向都係養熊仔鼠多,有時熊仔鼠既牙掂到我,佢都會即時彈開.熊仔鼠咁細膽,所以佢驚你既時候就唔好勉強佢,但我覺得都好快熟到既

5)養熊仔鼠最好就係買鼠廁所俾佢用,我養過既熊仔鼠,隻隻都唔洗教就識用鼠廁所,所以有鼠廁所就衛生d
熊仔鼠身型大,排泄物都較多,腺位發出既氣味都較濃,雖然用鼠廁所之後都會在訓覺既地方排泄,體味都唔會改變,但都會好好多

6)其他細隻既鼠,發出氣味既腺位,係在鼠既底,同下方排泄位置成一直線,大約在肚中心,正常既情況下係會有少少凸起咁,不過唔係隻隻鼠都咁易睇到
而熊仔鼠既腺係在背,大約係側面咁睇既中間,有較多毛遮住,正常情況下係好難睇到
如果鼠鼠呢d位置凸起,似有粒粒,就要小心睇返真係生粒粒定係腺位塞左

7)我覺得熊仔鼠比其他細隻既鼠聰明,學習能力較強,所以有咩唔想鼠鼠做or想鼠鼠做,都可以同鼠鼠熟左之後,利用一d簡單既聲音同食物去叫鼠鼠做or唔做一樣野,成句句子咁教,鼠鼠係聽唔明

熊仔鼠有長毛品種,長毛熊仔鼠要額外留意以下問題:
1)長毛熊仔鼠係要打理佢既毛,最好當然係日日同佢梳,最耐都要一星期梳一次,可以買一d小動物用既梳同佢梳,又或用牙刷都可以,如果耐左先梳,d毛就好易打晒結,咁就好麻煩,解結除左難之外,仲會好易整痛鼠鼠
2)可能因長毛既關係,換毛時會較明顯見到d毛飛出籠,但唔會十分多,畢竟鼠鼠大極都算細,但留意唔好因為呢d毛而誤以為鼠鼠有皮膚病,鼠鼠甩毛甩到見到肉先係皮膚病
3)長毛熊仔鼠近尾既毛好易會俾自己既排泄物痴住同整濕,要特別注意衛生問題,唔係就易甩毛or因為整住排泄物而生粒粒
4)我自己未養過長毛熊仔鼠,我自己較怕打理動物既毛,但我叔就有養過,佢有少少鼻敏感,養既時候鼻就較辛苦,不過呢樣個個人應該唔同吧