我老公整天對我講大話騙我 ， 點算 ？

明知佢講大話,緊係拆穿啦,只係點拆姐,教你以下方法,但係做之前,你一定要有証據係手,就算無,你懷疑得佢,自己有你自己理由,你就一定要企硬,諗定佢會點反駁你....之後..你就可以.....
首先 : 明示佢知,你知道既野同佢講既野不同
之後 : 比佢知,你唔係要怪佢,罵佢,只係唔想自己老公呃住自己
跟住 : 自己考慮番件事是否嚴重,會唔會去到反面.....
如果唔嚴重 : 同佢講,佢今次呃你呢件事,你所知道既(真相),全講晒比佢知,跟住同佢講,只係希望今次係個別事件,唔希望有下一次!
如果嚴重 : 要話比佢知道,佢自己講,從輕發落,要你講出黎,就無情講
講完..無論嚴唔嚴重,都要黑起口面,嬲佢一陣,等佢自己同你認錯~
以上係我對我老公既手法,用過2次,自此不須再用
我朋友既老公都係死係以上既招數上面嫁

2008-08-09 14:28:06 補充：
我反而唔係好同意下面位朋友仔既講法,因為如果你話對象係朋友而已或者其他不太重要的人,你可以咁做,但係對住既係自己老公,如果你唔拆穿佢,佢只會以為你好好呃,呃得月黎月勁,唔通要等到有一次原來佢呃住同第2個女人一齊你先拆穿佢???定係等到佢呃到覺得同你分開之日,預備好一齊之時?

2008-08-09 14:28:45 補充：
無人叫你通街或者當住好多人面前拆穿佢,係要係只有2個人既時候拆穿~拆穿照我上面所講,都有分你拆得好唔好既,拆得好,佢有面,又知你唔呃得!男人有時做錯,未必佢一人責任,佢都要有機會先會做錯,明知佢呃緊自己,都唔拆穿佢,由佢繼續嗎?善意既呃,就算你拆穿,佢唔會嬲你,不善意既,,一係對你唔好,一係就係d犯法既野,拆穿=幫緊佢唔好繼續錯

我覺得你應該拆穿佢 但係唔好當面同佢講 咁會張你地既感情破壞得更犀利 我個人認為你應該用激醬法 等佢自己原原本本同你講成件事既來龍去脈

最好黎一招以牙還牙,佢講大話妳咪又講大話..

我覺得應該唔好拆穿..
曾經有朋友因為愛情而出賣我
佢冇將事實講出黎,更加冇講過1句SORRY
我都冇拆穿佢啦
你拆穿左佢,
就會好尷尬.. 見面會面左左
其實我覺得你心裏面知佢係咩人咪得囉..
就好似講是非咁.你覺得人地係點都唔應該同人"分享"
每個人都有自尊..
你當面拆穿佢,佢會好瘀..
我覺得你心裏面知就得.... 你都知佢講大話囉
拆穿佢佢唔認.. 仲衰啦!!
你問過佢有冇講大話佢話冇..
有邊個講左大話會想講返出黎..有既少囉
佢既然話冇就冇啦,,
你自己知佢有就得.
你列哂D證據出黎佢唔認都冇用..
咁佢又會係你心裏面再留多1個壞印象
記住1個人既衰野唔係好事黎
不如原諒呢個人....
由心裏面原諒佢,無論佢知唔知都好

拆穿他吧 !
你明知架, 亦或是你唔解咗

你明知佢呃你..唔拆穿佢唔同你想死忍??