我遇到一個麻煩既的士司機，正確既車資計算方法係點架?

琴日搭的士，遇到一個態度好差既的士司機。
我地一行4人，老人家上車比較慢，人都未上齊佢就問去邊，之後即刻落標。
開車期間講手機又冇用handfree。
到達時，其他人開始落車，司機冇禁停個標，指住個標叫我比錢。好衰唔衰係佢指住果一刻岩岩又跳左一下，司機堅持要我比最高果個價錢 (HK$27.2).
我比30蚊佢，佢話冇錢找，態度好差咁叫我比散銀，點知我地個個都冇，佢先EE哦哦咁話比埋D龍種我(指毫子神沙)，我火都黎埋，超慶。

唔該我想問下：
1) 米標係唔係應該係開車前一刻先落標？
2) 如果以我咁既case，佢咁早落標，老人家上緊車既時候，係唔係已經開始計算等候時間既車資呢？
3) 如果見到司機開車期間，講手機又冇用handfree，我可以點做?
4) 萬一司機冇錢找，而我又冇散銀，我係唔係有權要由佢自己想辦法找番錢呢？
5) 而家d的士司機好多時，都會用5毫/1蚊做計算單位，變相收多左車費，我係唔係可以拒絕？

唔好意思問題比較多，我真係未試過坐的士咁慶。
歡迎業內人士解答，唔該晒~