土爪灣翔龍灣

以下有少少意見:

交通,又唔算好陪涉,旁邊就係巴士站and碼頭,行幾步到馬頭圍道就有極多巴士及小巴選擇,港九新界都去到.

間隔,呢個比較差d,750呎三房,真係偏細,就算好到840呎三房套房,我都覺得唔算太好用,雖然四正,但實用得75%左右,所以除o左主人房叫做ok,另外兩間細房都係唔算太闊落,始終呢個係新樓的弱點,我個人覺得,如果你真係一家5口,我相信你應該會有工人,即係6個人,可能要去到1000呎的高層相連單位先夠住,不過樓價就起碼要成700幾至800萬起,可能高o左少少.

用料,我覺得幾好,呢個盤算係恆基近幾年來最好,手工用料超過80分,唔錯!

景觀,幾開揚,始終大廈夠高,就算低層都唔錯,1,2,3,5座向西南中層以上已經可以望灣仔海景,向東北就望獅子山景,6座就一邊望園景,另一邊望單邊鯉魚門全海景,景觀夠開揚.

希望我意見幫到你啦.

my [email protected]

翔龍灣唔算隔涉, 有巴士站亦有碼頭. 但亦唔算好方便.
一家5 口最小住7xx 尺三房那種, 4百鬆小小有. 差唔多價錢有傲雲/農x道.
翔龍灣樓下有商場吉之島, 偉恆有百佳惠康. 買野都算方便, 不過附近就銀行都冇間, 比較麻煩. 樓下商場都比較靜. 假期冇野好行, 消夜冇地方好食. 附近舊樓區有幾多印巴藉人士居.
傲雲比較方便, 第時地鐵都近傲雲多過翔龍, 買野食野較多選擇, 又有銀行, 夜晚都好多野食, 有惠康有華潤. 附近都有印巴藉人士居住, 但感覺上冇翔龍灣那邊禁多. 但樓齡比翔龍舊小小. 實用我覺得差唔多, 可能傲雲會高小小.
論境觀 :
翔龍某些可以望海, 境觀算非常不錯, 但當然較貴. 另一方向望啟德, 短時間都算開揚, 因三街好矮, 但第時三街重建, 低層境觀就冇, 反而高層都好小小. 望煤氣古就不想要. 望偉恆昌都尚可, 因為座向會鈄鈄地望海.
傲雲非常近啟德, 境觀唔錯. 當然有些望土瓜灣舊樓, 視乎價錢.

其實買樓視乎自己心水, 你鐘意翔龍灣的話, 合價咪買囉. 有小朋友既話, 41區校網.

位置一的都唔隔涉，起碼有碼頭搭船去到北角，有巴士總站同土瓜灣道眾多巴士小巴線，唯一未有的只是地鐵。樓下有吉之島、太興，鄰近偉恆昌有中小型酒樓同惠康百佳，算係幾好住。
缺點係實用面積比率低，如果買最細size既單位，應該幾逼下。