如果有人寫野誹謗我,我應以哪方式告佢誹謗?

樓上對誹謗似乎有點誤解

書面上既誹謗 (libel) 係 actionable per se，即就算你完全無損失，都可以告對方

所以，因為對方係寄信去投訴你，屬於書面誹謗，無論你有無直接或間接名譽或經濟上之損失，你都可以告佢

誹謗好複雜，有好多個element，但我儘量簡化一下:
1. 句野有冇誹謗成份，即令原告型象係心智正常既市民心中受損2. 向第三方表達涉嫌誹謗句野 (如果淨係得原告同被告知道句野，就唔係誹謗，因為無第三方)3. 可將涉嫌誹謗句野關連到原告好明顯三點都符合我覺得你勝算好高，部門寄俾你既信已經屬足夠證據

雖然投訴並非公開性，但係記住誹謗既條件係有第三方得悉，並不需要公眾得悉，所以我認為已構成誹謗

如果投訴信話你開黑店,三番四次呃人，你係可以個人身份入稟既但係，如果投訴信無話是你開黑店，而是話XXX係黑店，咁樣以個人身份入稟就會麻煩d，要勝訴要講一d好 technical 既野。係依個情況，以公司名義入稟會好d，雖然個人身份入稟並非不可行以原告人傳票入禀適合~但建議你搵律師處理因為如果對方請律師你唔請，敗訴機會就大好多而且誹謗係好複雜既P.S: 其實誹謗官司真係唔抵打因為你應該無咩損失，法庭只會名義上判少少錢俾你

誹謗是要講証據，你有沒有人証物証去証明你因為他誹謗，而有直接或間接名譽或經濟上之損失，如果有你就可以做野！
至於佢去投訴你的公司，但是並非公開性，所以不能構成誹謗，
想個人身份去告佢誹謗！更加無可能，因為你個人的名譽或經濟上損失更加難厘定，
因為你又不是名人，又不需用個名去搵食，經濟上又沒有因為他的言論引致任何損失，你又點可以告他呢！