✔ 最佳答案
沖繩島內雖然有很多購物地點,但只有新都心的DFS(免稅店)內之物品較為高價,原因是沖繩島的天氣,夏天熱、冬天比較和溫,再加上沖繩島的當地人比較淳朴,因此衣著朴素。其他的例如國際通,除了三越百貨外,大部份是遊客的觀光購物區,買手信的店舖較多,所以,就算你想豪買亦未必能夠達到你的理想目標。
在沖繩島,最高消費應該是你水上活動的那一天,潛水大約JPY15,000一個人,再加其他例如SEA WALK約JPY5,000一個人,又玩其他香焦船、又玩水上電單車等,加加埋埋都唔小錢,下面有個網頁,是其中一間酒店提供的水上活動價錢表,雖然無英文,但可以看圖識字,參考一下。
http://www.rizzan.co.jp/marine/index.html
交通費方面唔算好高,巴士又唔貴,最遠去到北部都係幾千YEN一程,租車自駕遊,用細cc車,連油錢,都唔使JPY8,000一日。
食又係一個問題,豐儉由人,高級少少可以去食鐵板燒,因為當地的石垣牛也很有名,JPY10,000至JPY15,000己經唔錯,其他的食品,大約JPY1,500至JPY2,000一餐,除你喜歡。
總言之,去旅行,我覺得,帶得越多錢,就玩得越開心,唔使問人要帶幾多錢,應該量力而為,投其所好,有人喜歡觀光欣賞風景,呢D係用錢買都買唔到的,所以,有人覺得去旅行唔使帶好多錢,房間在香港約好,錢又比哂,總之一日夠食、夠搭車、連觀光入場費等,平均一日JPY15,000至JPY20,000,咩野都夠啦,再準備多些少傍身,就萬無一失。