我個朋友今年廿九歲,想讀日校中六,好唔好?

文科19分算唔錯,,而且無經濟問題,,咁去學校到讀當然無問題啦,而且你話佢個樣似20only,,更加唔驚比人笑,,就算真係要話人知,,咁又點?中六讀上去係靠自己,唔係靠人,自己1個讀都得啦,而且佢目標都係想讀大學姐,如果驚比人笑,咁報會考之前應該都擔心過呢d問題架啦.
做任何野咩都唔緊要,最緊要成,,我覺得你朋友如果有目標但驚比人聽有d晒左囉,佢分數唔係低,佢有經濟能力叫佢加多勁,去請私人補習啦..有好多人出黎做野都係讀番書架啦,,笑佢果d人其實先係井底之蛙
所以唔好唸,叫佢快d報

你朋友就係你

所以你要匿名

個人認為今年佢都幾難搵到學校...
今年爭得好勁大家有眼見...
連葵青爆差既中學今年都只收14分...重讀都勁早FULL左
我會比較SUGGEST佢係其他方式上大學...
始終佢(可能)多年會掂過D野...
突然讀番佢頂唔頂得順?
如果錢唔係問題...
點解唔去外國讀呢?
如果佢係勁有心讀....IVE....副學士都唔會係問題....!!
始終年齡都唔係細了....壓力一定有...
好多野都要面對既...
祝佢好運吧!

2008-08-06 23:20:28 補充：
更正............>>>>>始終佢(可能)多年都無掂過D野... 英文中文水平未必跟得上

咁遲架!好似無乜位剩!今日電視講8號風球都要排隊既將軍澳天主教嗚遠中學都百幾人爭12個位.現在唔係講你朋友29歲定19歲,係無位喇!祝好運!

好 , 當然好 , 讀書邊有分年幾呀, 學無前後 , 達者為先啦 , 要報讀中六要快啦 , 都無勿學位啦 , 教育局有定中六的年幾嗎 , 應該無