我隻狗狗佢今日嘔黃色既水...

你可以試下比d吐毛膏佢食, 因為狗狗有時用舌頭'靚'身, 食左d毛入肚, 肚入面有毛毛攪住唔舒服就會嘔, 咁既情況下狗狗會嘔黃色水, 我2隻狗都會有咁情況, 咁我比佢地食吐毛膏, next day 就無再嘔, 次次都work, 萬試萬靈.

有可能系黃膽水, 我有次狗狗又系嘔D黃黃地既水, 我就帶佢去睇醫生, 醫生驗過佢, 話狗狗無事, 唔系腸胃炎, 因為佢無痾, 醫生摸狗狗肚仔又唔痛又無D咩異常, 佢話狗狗可能有時亂咬野, 吞錯左D野落肚, 所以就會有D反胃既現像, 醫生都無比治腸胃炎藥狗狗食, 淨系比D胃藥同維他命丸佢食, 仲叫我地要小心將D雜物放好, 怕狗狗會吞錯野, 如果真系吞左D消化唔到,又痾唔到出黎D野, 開刀都有可能, 到時仲麻煩!

你等多几日, 睇下狗狗除左嘔黃色既水仲有無痾, 如果連續几日, 其中有一樣都系咁持續, 你就好帶狗狗去睇醫生。