屯門去黃竹坑問題~~~

已經係最快，但係返工時間中環塞車就好難講，由 屯門 去 中環 要60-80分鐘，由 中環 去 黃竹坑 20-25分鐘。

你去到 中環 怡和大廈 站落車，向車尾方向上天橋過 交易廣場巴士總站 就可以坐 城巴75(往深灣)。

如果你係去 黃竹坑邨 或 深灣 就一定要坐 城巴75，如果係去 黃竹坑道，喺 交易廣場巴士總站 仲可以坐 城巴70(往香港仔)，城巴90(往鴨脷洲)，城巴97(往利東) 同 新巴M590(往海怡半島)，呢幾條線喺 黃竹坑道 嘅車站位置 差唔多。

車費就 M590 收 $6.9，其餘都係收 $4.7。

車程就 M590 最快，如果唔塞車，15分鐘可以到 黃竹坑道。

但記住喺 交易廣場 唔好坐 城巴71(往黃竹坑)，分分鐘坐1個鐘頭先到。