邊種工作魚會吸青苔, 食剩下的魚糧, 同埋唔會攻擊其他魚 ?

清道夫？
清道夫就係金青苔o既原種，身體灰色，有深灰斑紋，性情、大小當然一樣啦。相信樓上又係一個將琵琶當左做清道夫o既人。
我諗我可以引用我一個舊答案答你：
剩糧：
鼠魚，常見o既有藍印鼠、白老鼠等（約＄２０對）、黃翅珍珠鼠（貴ｄ）。
留意市面好多魚都冠以一個「鼠」字，但係其中有ｄ魚三間鼠、Ｙ紋鼠等，個樣係生成另一個嘜頭o既，呢類唔係鼠，係?（catfish）科o既，唔係佢地唔食剩糧，但佢地仲會挖土，仲好多都好大條，三間鼠就可以去到成尺！鼠魚最大就若三寸。
青苔／藻：
簡單地講，所有嘴成吸盤狀o既都得，最小型o既係小精靈（＄２０四條），兩寸左右，出名效率高，但不少玩家都養唔長。另一好選擇係小鬍子（最小型o既琵琶品種，近＄４０一條），最大四寸樓下。其他琵琶有ｄ係可以大到龍吐珠同缸o既（如街邊一盆＄１０大大條o個ｄ），唔好貪平！有ｄ係效率唔高o既（如所謂「隱型戰機／ｆ１１７」），唔好亂買！
ｏｋ？即係話，如果你想要一條搞得掂所有野，ｂｕｄｇｅｔ許可的話，我會建議你養小鬍子（白化種o既金鬍子我就頂唔順啦）。否則，可以分工o既：鼠魚食剩糧，小精靈吸藻。

我屋企後園有個魚池,養十幾條錦鯉,先前都有好多青苔,我有養琵琶(2條),個樣又醜,又唔係好有用.跟住朋友話養接吻魚有用,買2條,好dd,好勤力食苔,個池d水都清d.後尾去旺角金魚街個事頭婆介紹買4條塘蚤仔,佢個樣都幾得意,放埋落個池度,依家d青苔買少見少.
如果單單個人經驗對呢三種魚的評價: 琵琶--樣衰 鬼鼠 工作能力低 有攻激性 $15條, 接吻魚--樣最靚 工作能力ok 但有攻激性 $25兩條, 塘蚤仔--樣唔係靚 只係得意 好勤力無論青苔 魚屎 ' 剩糧 ' 都來之不拒 性情純 價錢亦係三種魚中最平,$18四條.
有興趣可以去金魚街逛逛,好多間鋪頭都有呢三種魚買.

可以考慮小精靈(魚街會寫成小精0)，會食青苔、沉糧，而且好馴唔會蝦其他魚。不過我覺得比金青苔難養，容易死。

清道夫(工作魚 )
好得!!
但唔係好靚law