✔ 最佳答案
清道夫?
清道夫就係金青苔o既原種,身體灰色,有深灰斑紋,性情、大小當然一樣啦。相信樓上又係一個將琵琶當左做清道夫o既人。
我諗我可以引用我一個舊答案答你:
剩糧:
鼠魚,常見o既有藍印鼠、白老鼠等(約$20對)、黃翅珍珠鼠(貴d)。
留意市面好多魚都冠以一個「鼠」字,但係其中有d魚三間鼠、Y紋鼠等,個樣係生成另一個嘜頭o既,呢類唔係鼠,係?(catfish)科o既,唔係佢地唔食剩糧,但佢地仲會挖土,仲好多都好大條,三間鼠就可以去到成尺!鼠魚最大就若三寸。
青苔/藻:
簡單地講,所有嘴成吸盤狀o既都得,最小型o既係小精靈($20四條),兩寸左右,出名效率高,但不少玩家都養唔長。另一好選擇係小鬍子(最小型o既琵琶品種,近$40一條),最大四寸樓下。其他琵琶有d係可以大到龍吐珠同缸o既(如街邊一盆$10大大條o個d),唔好貪平!有d係效率唔高o既(如所謂「隱型戰機/f117」),唔好亂買!
ok?即係話,如果你想要一條搞得掂所有野,budget許可的話,我會建議你養小鬍子(白化種o既金鬍子我就頂唔順啦)。否則,可以分工o既:鼠魚食剩糧,小精靈吸藻。