d80 廣角鏡頭

✔ 最佳答案

勸你唔好嘥錢買呢啲附加鏡.
用得單鏡機就係想有較好畫質,呢類付加鏡最大缺點就係會嚴重降低畫質.只適合貪得意玩下.出來既畫質你一定接受唔到.
其實你話冇錢買廣角鏡.咁你係用緊甚麼鏡頭呢?D80本身支kit lens有18mm廣角,就算計埋1.5x 焦距增長都仲有27mm,算係好廣角.
有時唔係一味夠wide就好,超廣角鏡事實上頗難用得好的,前後景大細差好遠,構圖一側啲景物就會斜晒.適合做效果多過日常用.
如果你鐘意玩呢類效果,建議都係慢慢儲錢買支正正式式既超廣角鏡,咁你先會有興趣有心機去用.Sigma 10-20mm f4-5.6都係三千幾.好過你用咗670蚊但係玩一陣就放埋一邊封塵.