幫鼠鼠散熱~

A.除散熱板外,夏天太熱時,可以用風扇遠距離咁吹下鼠鼠,同時用少d木糠,並將鼠鼠放在陰涼處,唔好曬到鼠鼠
市面都有俾熱天用既用具,冷氣梳化or一塊板,係放d野入去再會凍既野,用完要再換芯,我試過係唔好用既,因為會有水整到出唻,而且唔係真係咁涼. 都有睇過方法話放支冰水在旁再加毛巾,都試過唔似有用,鼠鼠唔會特別去涼,亦都唔覺會涼好多.仲會好多水整落毛巾甚至漏出唻...

我係會用風扇遠遠地咁吹 散熱板 少d木糠

除左消暑,熱天仲要留意以下既事:
1)留意水樽出水有冇問題,避免脫水同中暑(當然冬天都要留意,但夏天較緊要)

2)記住所有倉鼠都唔可以放在出面曬太陽,特別係夏天天氣熱,好易就會曬到脫水及中暑既
原因如下:
a)鼠鼠都好怕熱,唔好以為原居沙漠既倉鼠就唔會怕熱,但其實鼠鼠就係怕熱,所以日頭訓覺,到夜左冇咁熱先出唻活動
b)鼠鼠身形細小,好易曬下就脫水or中暑,比人更易有中暑既情況

脫水及中暑特徵:
a)行得好慢
b)行路趺下趺下
c)身體發抖
d)呼吸困難
e)甚至摸佢都冇反應

處理方法:
中暑既話就要將鼠鼠拎去涼d既地方,但唔好搵風直吹佢,真係嚴重地唔醒既話,可以俾dd涼既水俾佢,之後盡快睇醫生

3)熱天既時候都要特別留意衛生問題
多d洗籠,一星期同鼠鼠沖一次涼,最多兩次(沖太多反而會令抵抗力下抗),唔係鼠鼠就較易患皮膚病

B.如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制同專俾鼠鼠用既磨牙用品係最好既,比較安全

倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦