禮金一問, 10萬呢個數合理嗎?

安伯話：10萬元禮金多唔多？唔算多。合理嗎？唔合理。
你有幾重？去必瘦站減一磅收你幾錢？
養大你一年要用幾錢？你又預左用幾錢去養仔女？
邊有得計！
伯母可能隨口講10萬就10萬啦！只係一個數字，可能無意義，點讓步？
實際的，你地有無10萬可以拿出來，有，咪俾羅，你驚佢去抄股票？
真係無，開心見誠講羅，我堅信親情比錢重要。
望下塊鏡，問下自己。

我都同意ws_gnow的講法。你地唔擺酒，10萬差唔多，我諗你阿媽都係咁樣計住條數，老人家通常覺得嫁女係面子的問題，已經唔擺酒，無得威番次，仲要收得少禮金，比ｄ親友知道，好似果女唔夠矜貴咁，又驚果女婿唔知係咪玩玩下唔夠誠意．．．

我同樣係覺得可以試下叫你男朋友親自約你媽咪食餐飯，送下禮物，要佢親口講，有咩困難，減ｄｄ，整個好意頭的數目。但我多咀估計，3至5萬的禮金，你媽媽未必接受，6至8萬應該可以傾下既。

如果你唔擺酒呢， 10 萬又唔算話好大數目....
因為一般人擺酒既話，佢地會俾 3萬幾 / 5 萬幾禮金，
之後又會再俾酒席女家，假設最少 7 圍，你當一圍大概可以收到 5 千，7 圍就有 3 萬 5：
$ 35,000 + $ 38,000 = $ 73,000啦！如果圍數多已經唔止呢個數，所以 10 萬元响你媽咪既角度真係唔算多....
Q：同埋有咩提議可以令媽媽讓步?
答：如果你媽咪開明既話：你就開心見成咁同你媽咪傾呢嗰問題，話你地唔係好夠錢，可唔可以俾少啲(講俾佢知你地自己心目中既數目，睇吓佢有咩反應...)
如果你媽咪比較堅持己見：你試吓搵個家庭成員幫你探吓口風，如果你地俾少過 10 萬，你媽咪會點....

希望幫到你！