升上中六既擔憂(求有經驗人士解答)

如果你想預料讀得好, 咁你既英文根基一定要好, 尤其是你三科野都要寫好多英文答題既

上中六可以做學會職務, 但係唔使做到最大級既, 仲下普通committe member就已經ok ga la, 最好就係做一些唔使點做野但係果個職銜又聽落好高級既, 千萬唔好做學生會, 因為學生會係要搞好多野, 你一定冇時間溫書

如果你中六七真係想考番好佢入大學既, 咁你由開學第一個星期開始就要日日keep住溫書同備課, 係keep住咁做, 有乜唔明就最好即日問老師或第二日即刻問老師, 唔好將唔明既野積埋積埋至問, 咁樣會冇咁好, 同埋你問完要溫下佢消化下佢, 如果都係唔明老師答你既野就要係咁問到明為止, 唔好怕老師會嫌你麻煩, 因為老師係預左學生去問佢野, 你唔問佢, 到你真係搞唔掂果陣你仲煩過佢地呀

唔好以為上面講既野好老生常談, 因為好多人都做唔到, 同埋要做上面既野係要放棄好多野, 最主要既係你要放棄你一切娛樂, 例如電視, 電腦, 遊戲機, 同埋約fds出街, 當然唔係完全唔做, 但係要好大幅度地減少做, 留番哂d時間去溫書備課

如果你肯咁做既, 就算唔使點補習都可以應付到, 不過如果你想你d英文可以考好d既, 你可以問下你英文老師可唔可以幫你教你, 令你可以補番d根基同埋可以不斷同你操練英文, 咁你咪唔使怕你d英文掂囉