同女朋友的泠靜期 究竟如何補救呢段感情?

其實, 我覺得, 等佢冷靜下來之後, 你地應該一齊坐低好好咁傾一次.

如果你真係有心想為佢而改過, 你就要好好咁聽下, 瞭解下佢同你一齊最唔開心既係咩事. 如果佢想有多D私人空間, 就問多D, 佢想有點樣既私人空間. 你地既相處方式, 佢覺得點樣係最好. 多聆聽, 少插嘴. 好好瞭解一下佢既內心世界.

聽完之後, 你要好誠實咁問自己, 佢要既野, 你做唔做得到. 其實, 性格要改真係好難好難. 如果你問我, 我覺得你應該搵個享受你呢種咁貼心服待既性格既女仔, 好過繼續糾纏落去. 始終, 兩個人一齊係要雙方都感到舒服, 唔係一個忍受, 一個享受.

而且, 你仲要過佢朋友個一關. 佢D朋友識得叫佢唔好心軟, 好明顯你地既問題已經存在左好耐. 佢班朋友亦一致唔贊成佢同你一齊, 其實某程度上反映左你地之間既問題真係唔容易解決.

你話你唔想後悔, 你指既係咩呢? 或者, 同佢係番埋一齊, 你反而會後悔呢! 如果係埋一齊, 幾年之後又係因為同一個問題而分手, 大家既幾年寶貴青春就咁無左, 可能你到時會後悔, 點解當初唔理智D分手, 搞到而家咁痛苦????

唔好成日諗住點樣令佢接受番你. 你要站係雙方既角度去考慮, 究竟你地係番埋一齊, 好處多一點還是壞處多一點? 你地繼續落去, 究竟會唔會有幸福? 為佢好, 亦係為自己好, 你真係要認真係咁考慮一下.

祝你好運!

原來有班搞便棒，放心，你呢當小問題來的！時候到左，就會搞掂！依家用信紙，寫低每日掛念佢既心情，係每日！做最後著，唔明再問我！

你令個女仔喊就係唔可以原諒....
唔理你對佢點好都好
如果你唔尊重對方作為獨立個體既意願
咁你同佢就一定唔會有將來
『尊重』係愛情一個極重要既環節
不過你都算識檢討
你需要做既係要有誠意解釋同講對唔住
你應該同個女仔講你以後會點改善
最重要係你如果係一個真正既好男仔就一定唔可以大男人


咪再傷害個女仔啦你!!!

2008-08-06 02:50:30 補充：
佢D朋友講乜唔重要
但你一定要做好你既本份
你如果係珍惜佢既就話俾佢聽你好珍惜大家能夠相遇
同埋話希望唔好俾你既小過失而錯失你對佢既真愛
因為真愛唔咪時時都有
今次錯過左之後可能雙方都唔會再有咁既機會
話俾佢聽你係真心對待
話俾佢聽你好『珍惜』
同埋希望佢都會
話俾佢聽希望佢諒解你做得唔好既地方
唔好就咁就拋棄真心對待既愛情

PS: 你真係咁諗先好咁講!

你既性格, 我相信就算佢肯同返你一起你都吾會變 , 因為你太自我中心, 只係會希望人地有回報給你, 所以你先會對佢好. 如果你對佢好係不求回報既 , 咁都好d , 不過好明顯你係斤斤計較. 雖然你已經話知錯, 不過江山易改本性難移 , 如果你要因為就佢要免強自己, 你又覺得開心既 , 咁你咪再試下追返佢. 不過我覺得你地遲早都係要分手. 免強無幸福! 佢既朋友都係吾想佢成日吾開心先叫佢吾好同你係返一起. 你自己反省下, 不如放低呢段感情, 開始另一段仲好. 有裂痕既係補吾返ga啦!

不如你自己都set一個時間，喺哩個時間裡面你自己都認真諗吓，要你唔咁緊張佢，你係咪真係可以做到？佢對你唔呵護備致你又可唔可以接受？唔好因為突然嘅失去，就勉強把所有責任攬上身，繼而認錯，即使你哋今次可以再齊，可能不出一個月內又發生同樣事件，何必再一次傷害大家？諗清楚啦，朋友！