bb幾時先識爬

ＢＢ幾時先識爬？個個ＢＢ都唔同，多數ＢＢ６個月左右識坐，８個月左右先識爬，我嘅仔仔就啱啱８個月識爬．　如果ＢＢ仲好軟的話，千萬唔好心急要佢學坐，咁會對佢嘅脊骨唔好，當ＢＢ識爬嘅時候，你一定要睇實佢，好容易跌落床ｇａ，你可以買一塊地毯或英文字母地膠放係地，咁可以有多Ｄ地方俾ＢＢ爬，（ＢＢ爬多Ｄ，對佢嘅大腦發育有幫助，人都聰明Ｄ啦！係專家話ｇａ！）　而且又唔怕佢跌落地，我仔仔依家９個月，早排試過跌落地，撞到個嘴唇，流咗好多血，雖然最後都冇咩事，但真係好心痛ｇａ～～～！　仲有呀，ＢＢ爬爬吓就會冇力，佢嘅頭會突然間撞落地，有咗地毯或地膠就唔怕ＢＢ撞親頭啦！　至於ＢＢ幾時先可以食奶以外食物，其實你依家就可以俾ｇａ啦！但唔好太多，等佢個胃慢慢適應，一星期可以俾兩次蒸水蛋或粥仔，例如星期二食蒸水蛋，星期五食粥仔，每兩個星期加一餐，記住盡量唔好俾鹽，就算一定要落，都只係少少好啦！因為ＢＢ咁細，佢嘅腎仲未發育好ｇａ，等佢大個Ｄ先俾味道啦！（最好係下午食奶以外嘅食物，因為仲有多Ｄ時間可以玩，唔會食完冇幾耐就瞓，可以幫助消化ｇａ！）　祝你嘅ＢＢ快高長大！！

個個bb識爬既時間都唔同，好似我個fd佢bb4個月就識爬，但係我個仔就10個月先識。

至於奶以外既食物，由於bb胃仔既發展未成熟，雖然坊間有d糊仔話四個月可以開始食，但係世衛建議bb要5個半月至6個月先可以引入固體食物。

千祈唔好太心急比bb仔試新食物，因為我有個朋友佢就係四個月比bb開始食糊仔，結果因為腸胃未發展成熟而誘發濕疹~~~~~

另外要提一提係，好多老人家叫用米水開奶比bb，等bb可以增磅快d，其實咁都會增加腸胃既負擔，醫生都係唔建議嫁!