✔ 最佳答案
BB幾時先識爬?個個BB都唔同,多數BB6個月左右識坐,8個月左右先識爬,我嘅仔仔就啱啱8個月識爬. 如果BB仲好軟的話,千萬唔好心急要佢學坐,咁會對佢嘅脊骨唔好,當BB識爬嘅時候,你一定要睇實佢,好容易跌落床ga,你可以買一塊地毯或英文字母地膠放係地,咁可以有多D地方俾BB爬,(BB爬多D,對佢嘅大腦發育有幫助,人都聰明D啦!係專家話ga!) 而且又唔怕佢跌落地,我仔仔依家9個月,早排試過跌落地,撞到個嘴唇,流咗好多血,雖然最後都冇咩事,但真係好心痛ga~~~! 仲有呀,BB爬爬吓就會冇力,佢嘅頭會突然間撞落地,有咗地毯或地膠就唔怕BB撞親頭啦! 至於BB幾時先可以食奶以外食物,其實你依家就可以俾ga啦!但唔好太多,等佢個胃慢慢適應,一星期可以俾兩次蒸水蛋或粥仔,例如星期二食蒸水蛋,星期五食粥仔,每兩個星期加一餐,記住盡量唔好俾鹽,就算一定要落,都只係少少好啦!因為BB咁細,佢嘅腎仲未發育好ga,等佢大個D先俾味道啦!(最好係下午食奶以外嘅食物,因為仲有多D時間可以玩,唔會食完冇幾耐就瞓,可以幫助消化ga!) 祝你嘅BB快高長大!!