因為佢自己借唔到,所以叫我幫佢借,
承諾兩個月後會還返晒比我,
兼且比返少少BONUS我當多謝我
亦都立左借據,講明2007年12月11號以現金清還二萬蚊之款項(但冇寫到借款日期)
我朋友做擔保人,佢阿E係借款人,雙方簽左名,亦都COPY左身份証落張借據度,亦有第三者在場見證(但個第三者係熟佢地多D)
我朋友介紹左個安信0既AGENT比我,
我就透過佢同安信借左二萬蚊
但因為同安信借錢要比利息亦有手續費
所以實際情況係只借左一萬九千九百蚊比借款人(扣左一百蚊手續費)
而安信果邊需分十八期還款
計埋利息每月應還$1408,即係總共要還返$25344比安信
佢地口頭承諾過話如果2個月內還唔晒
都會續期0係安信過我錢前比返$1408比我
因為我只係幫佢借,利息同手續費果D都係佢自己比返
當日一拎到錢我就將$19900全數過左落我朋友細佬0既ACC度
但我冇KEEP單...
之後過左一個月,我朋友阿E還左第一期錢$1408比我(入落我ACC)
第二個月佢話唔知邊度未出到票比佢,所以未還到全部比我
所以都係比返一期錢$1408我先(入落我ACC)
即係佢已經還左2期錢比我
第三個月開始佢就係咁拖係咁拖
一時又話0係大陸未返黎,一時又話去左旅行(有錢去旅行都唔還錢!!!!!),一時又話0係大陸比人打劫云云,諸多藉口,成日都話過幾日打比我或者過錢比我,但次次我唔打比佢都唔見佢打比我!!
死追爛追先肯還多$1500比我(入落我ACC)
期間我亦都有打比我朋友(即擔保人)
佢身為擔保人,如果借款人還唔到錢
佢都好應該有責任還比我
但佢就話佢D錢比佢女朋友睇住,唔郁得
又成日話佢阿E0係度搞緊D唔知咩貸款
幾時幾時應該可以全部還返晒比我,但冇兌現過囉!!!
我已經同佢講過如果再係咁我會去小額錢債度追
佢都話得0既
但而家就唔聽我電話!!!!!
到到而家我已經比安信過左9期錢,總共$12672
而借款人只係還左$4316比我
仲爭我$8356
過多幾日安信又到期過數
我而家真係好煩
明明唔係我借錢,又比安信續期係咁扣錢
D人又唔比返我,我又冇咩錢
我真係唔想無啦啦比佢地2個搞到一身蟻!
我成日都好唔開心...
而家我想請問:
1. 我想入稟小額錢債追佢還,但好似需要寫借款人地址,但我冇佢地址,只係有佢電話同身份証COPY,咁點算?
2.我有張借據勝數係咪大好多?但果度只係寫左佢爭我二萬,而實際上我要還返$25344比安信喎,咁仲有果$5344佢地唔認數咁點?
3.而家有借款人同擔保人,到時我應該告借款人好定2個一齊告好?可唔可以叫其中一個還或者佢地2個一齊還?
4.銀行過數果D資料因為我冇KEEP入數紙,D信又有D唔見左,但我有用E-BANKING,PRINTER又壞左,咁我可唔可以對住電腦用數碼相機影低D數據作為證據?
5.如果個官判左我勝數,咁入稟小額錢債一切果D雜費係咪都係由佢地支付?咁我D交通費或者冇返工果D損失呢?
6.請問入稟小額錢債0既詳細程序同各項雜費係點?要去邊度做?有冇限辦工時間0架?
7.如果佢地一直都唔聽電話,咁我可以點樣搵佢叫佢上庭/比佢知道我入稟左小額錢債?佢地唔上庭咁又點?
8.如果個官判左我勝數,佢地唔肯還錢比我可以點做?我睇到有D人話可以搵執達吏果D,但係咪要比錢請?如果要比錢,我可唔可以要求個官判佢地支付埋呢筆費用?
9.除左執達吏仲有冇其他途徑可以要佢地還錢?
10.我可唔可以要求個官判佢地首先將$8356還返比我,然後以每月AUTOPAY形式0係安信過我錢前先過$1408比我?
11.請問由開始入稟小額錢債搞手續果D到到個官判左邊個勝數大約要幾耐?
12.其實佢地咁樣成日拖我,又話幾時幾時有,但最終次次都唔係,咁做算唔算行騙?可唔可以告佢(刑事)?咁樣會唔會令佢地非還錢比我不可?
唔好意思,講得太長,太多野問...
請幫幫手解答,麻煩晒!!!十萬個THANKS!!!
更新1:
SORRY,我記錯左,安信手續費應該係$200,唔係$100 所以實質我當時係過左$19800比借款人
