考車牌一問.幫幫手plx

實在有太多太多既答案
不過，以過來人來說，出街學會好d，我自己駕院同街都有學過(學兩次pass)。

係駕院學，對你既駕駛技術可以話係一定冇幫助，分分鐘你考完牌唔敢出街。因為d亞sir只會集中訓練考試路線，差唔多考路試先比你走出駕院，所以，我眼見好多係駕院出黎既司機，初頭都唔係好識揸。
唯一既好處係，「易」試想一下，一條乜車都冇既街，一個闊到飛天既位，點會pass唔到呀

出街搵師父會平d，不過就要撞手神，千祈唔好盲鐘鐘走去學，問下朋友有冇d靠得住既，唔係比人坤都唔知。遇到一d好既師父，真係可以教到你好多野。

好似幫我考到牌既師父，佢住馬鞍山，我住沙田，我次次都揀佢最尾個節，九點十點學完，之後佢就會比我行大埔道返屋企，連車錢都慳埋，又學到野。

報邊間其實好睇自己
當然d駕駛學院 貴梗係有貴既好 貴得黎係有價值
某駕駛學院考乙部 會係場入面考 呢個最主要係佢貴既價值
我唔係度賣廣告啦
但係如果你話自己 夠哂淡定 朋友話呢個ab師父好好既
好肯用心教既 咪揀邊個囉
問下自己身邊d朋友啦*

甚麼xx駕駛學院,yy駕駛學院,我就一定唔會揀,這是個人問題!想知邊個教車師傅好,就問吓身邊親朋戚友最近考完牌,資料就最真最準!