1) 2008年6月1日中午
我在將軍澳東港城 ”周生生金鋪”買了一條 “翡翠玉觀音(外圍鑲有66粒鑽石 –)18k白金頸鏈一條價值HK$13,800”，然後我將這條鏈送給媽媽作為生日禮物。媽媽收到我送給她的禮物後，非常開心。她很小心地保管這條鏈，因為媽媽相信觀音是很神聖，亦可保護佢老人家的。並把它放到觀音壇前七七四十九日，把它開光。到了7月20日，媽媽滿心歡喜地把已開光的翡翠玉觀音頸鏈配帶著，又帶同孫兒去飲茶及行街。
２）2008年7月22日中午
媽媽如常地帶著翡翠玉觀音頸鏈去飲茶及行街，到了中午就回家休息午睡。訓醒後, 到冼手間，完事後就洗手及照鏡。當她照鏡時， 嚇了一跳。點解個翡翠玉觀音唔見左個頭呢?去左邊呀?死啦! 跟住媽媽就一邊哭，一邊查找，看看個翡翠玉觀音頭去那裡。最終都找不到，媽媽很傷心地告訴我。我即時回家了解一下，驚見原來這個翡翠玉觀音係很薄很薄，翡翠的心是空的, 只係一塊薄片 (附上圖片)，連支牙簽都可以放得落。
有無攪錯呀!!!!周生生咁大間公司，點會賣D咁既”流野”呢?我有小小覺得被人騙的感覺。跟住我有好多好多疑問產生了，點解翡翠係咁容易就損害壞? 點解個翡翠係空心既，只係一塊薄片，乜唔係實心架咩? 又話係A貨及優益保證，點解咁脆弱呢? 一塊薄片點算得係玉石??????
3) 2008年7月23日晚上
到將軍澳東港城周生生問個明白，將上述事件再講一次比在場的職員知，而佢地都證實我個翡翠係無花無傷。跟住我要求佢地合理解釋及賠償另一個給我時，他們第一時間居然答我係’我地係有優質保證書比你，不過我地唔包你個翡翠玉觀音唔會爛! 我聽完之後，好嬲，好唔開心，我買了個多月, 但實際上只是帶了幾日佢就爛左。佢地咁大間公司點解可以賣D咁差的產品比顧客呢? 當時我唔想同店員理論，我要求佢地賠償，佢地就將個觀音攞上去寫字樓作評估，話會在7月31日前回覆我。
４）2008年8月1日
我還未收到周生生的來電，之後我就主動打比佢地，佢地答覆係唔會賠償比我，還說我自己意外整爛。我真係唔明喇，明明保證書寫住天然硬用質翡翠A玉，點解無花過，無任何傷痕就爛了? 今時今日D咁大間既金飾店都會賣D咁既劣等既貨出來欺騙顧客呢? 唔通我D咁既小市民就咁就比佢欺負?
最後, 請各位網友，可否幫下忙，話比我知我應該點做?我真係覺得好唔抵呀! 請你地話我知我點做先至可以討回公道丫? 唔該!
如何向周生生討回公道
2008-08-05 12:16 am
回答 (3)
2008-08-05 1:22 am
✔ 最佳答案
有幾個要點可以弄明白一點的。首先你要攞番件貨先，同埋要keep 番好張優質保證書。 你可以去消費者委員投訴，睇下佢地會點處理。
另外，你亦可以自行將件貨送去化驗，睇下得出嚟的結果同佢張保證書有沒有出入，然後先去消委會告佢。
建議去左消委會先。
雖然我以下的分析未必合你意，但都係講緊事實。
翡翠的心是空的, 只係一塊薄片 (附上圖片)，連支牙簽都可以放得落。有無攪錯呀!!!!周生生咁大間公司，點會賣D咁既”流野” 一塊薄片點算得係玉石?? 。1. 薄唔等於 “流野”，你個論點上到消委會同法庭都唔成立，反而會比人覺得你無理取閙。法庭同消委會會睇化驗報告，如化驗結果同優質保證書列明不符，這一點你勝。無論件物件幾薄，幾細，只要化驗結果是翡翠，佢就係翡翠。而翡翠可分A貨，B貨及C貨，那要看保證書什樣寫，總之B貨及C貨都唔可以當A貨賣。2. 保證書中有沒有寫實心？ 3. 有沒有寫翡翠的重量？ 如果沒有寫，你就唔可以話佢薄，話佢空心。空心是花件的一種雕刻手法，通常用於水份不足的翡翠擺牛，讓光線容易穿透，增加視覺的透明度，以彌補水份不足。
而佢地都證實我個翡翠係無花無傷。可細心觀察証書上的圖片，看看有沒有列紋，同埋証書上有沒有寫有列紋等字樣。若然兩者不符，你的勝算機會高些。若証書上寫明有列紋你都買，就真係唔怪得人（呢個機會應該不大）。
不過我地唔包你個翡翠玉觀音唔會爛! 呢句說話雖然唔合耳，但事實如此。無人知道你點處理件貨，出門之後，真係唔可以包唔會爛。以前有張信用咭有購物保障（爛了有得賠），依家唔知重有冇。你試下你簽咭個張咭有沒有這個保障。
明明保證書寫住天然硬用質翡翠A玉，點解無花過，無任何傷痕就爛了? 今時今日D咁大間既金飾店都會賣D咁既劣等既貨出來欺騙顧客呢? 什何物件都會爛，玉都唔例外，加上件貨是空心的，比較難承受外力，呢個唔係劣貨的問題，係自然現像。當兩物碰撞，受力能力低的那件必然破損。就算硬如鑽石，都有解理面，只要在那點上用尖物輕輕一敲，鑽石都會一份為二。
若然以上各項，你都找不到金舖錯失的地方，你可以嘗試以金舖沒有告知你這件玉器是空心，要小心佩戴，避免碰撞，告佢地疏忽。但能否勝訴就很難說了。
2009-02-25 4:26 am
空心是花件的一種雕刻手法，通常用於水份不足的翡翠擺牛，讓光線容易穿透，增加視覺的透明度，以彌補水份不足。
以上說法在雕塑觀音像並不成立，因為觀音像如果是空心的，那么應該由前后兩面黏合而成的，或頭部穿孔，或底部穿孔，試問有那個雕玉家會如此做，而且並不能保證雕刻后的翡翠會如期通透，而且縷空雕刻多用在中國玉石，很少會用在翡翠這一硬度7.0的玉石上。
以上說法在雕塑觀音像並不成立，因為觀音像如果是空心的，那么應該由前后兩面黏合而成的，或頭部穿孔，或底部穿孔，試問有那個雕玉家會如此做，而且並不能保證雕刻后的翡翠會如期通透，而且縷空雕刻多用在中國玉石，很少會用在翡翠這一硬度7.0的玉石上。
2008-08-05 9:38 pm
我都替你感到激氣和好唔抵啊~! 送給母親的生日禮物, 令她開開心心, 却換來她的不安, 和你的一肚子氣, 金舖在情在理都應該賠償給你所損失的金錢.
因為如此薄的玉片, 任你怎樣小心佩帶, 玉片都會自動爆烈, 這麼薄的翡翠玉片, 就算是天然真色, 也只值一佰元以下一件, 如果驗出是入色的, 那就更不值錢了, 賣給你 13,800.-元, 雖然鑲有66粒鑽石, 真是賺得很高的利錢, 周生生金舖又怎會那麼輕易賠給你, 真是休想呢~! 亦不要以為去消費者委員會處投訴, 希望他們會幫你去追討, 那個機構不會幫到你, 只會浪費你時間, 還把你激到一肚子氣的.
建議你與周生生金舖的最高主管級人接洽傾談, 解决你認為滿意的方案, 如果雙方都無法完滿解决這件事的話, 你就告訴那主管人, 你會入禀小額錢債法庭向金舖追討, 如果他仍然無任何表示, 那你就到灣仔政府大樓的小額錢債法庭, 用 75元入禀小額錢債法庭手續費, 去追討你的損失, 通常一間大機構, 接到法庭傳票, 都不願意派人去法庭書面答辯和出庭, 因為可能會有法庭記者在搜集資料, 將他們的事件上報, 會影响其店舖聲譽, 所以就或者會約你和談, 因為用薄片玉石去賣高價錢, 實屬有欺騙顧客之嫌, 以 13,800.-元, 的小數目去斷送店舖聲譽, 相信一定不會讓這件事情發生的, 就算店舖真的用書面答辯和上法庭, 法庭的秘書也會勸喻店舖盡量與你和解, 希望雙方能和解而無需上庭審訊.
以上的建議希望可以帮你解决問題, 能令你討回公道.
因為如此薄的玉片, 任你怎樣小心佩帶, 玉片都會自動爆烈, 這麼薄的翡翠玉片, 就算是天然真色, 也只值一佰元以下一件, 如果驗出是入色的, 那就更不值錢了, 賣給你 13,800.-元, 雖然鑲有66粒鑽石, 真是賺得很高的利錢, 周生生金舖又怎會那麼輕易賠給你, 真是休想呢~! 亦不要以為去消費者委員會處投訴, 希望他們會幫你去追討, 那個機構不會幫到你, 只會浪費你時間, 還把你激到一肚子氣的.
建議你與周生生金舖的最高主管級人接洽傾談, 解决你認為滿意的方案, 如果雙方都無法完滿解决這件事的話, 你就告訴那主管人, 你會入禀小額錢債法庭向金舖追討, 如果他仍然無任何表示, 那你就到灣仔政府大樓的小額錢債法庭, 用 75元入禀小額錢債法庭手續費, 去追討你的損失, 通常一間大機構, 接到法庭傳票, 都不願意派人去法庭書面答辯和出庭, 因為可能會有法庭記者在搜集資料, 將他們的事件上報, 會影响其店舖聲譽, 所以就或者會約你和談, 因為用薄片玉石去賣高價錢, 實屬有欺騙顧客之嫌, 以 13,800.-元, 的小數目去斷送店舖聲譽, 相信一定不會讓這件事情發生的, 就算店舖真的用書面答辯和上法庭, 法庭的秘書也會勸喻店舖盡量與你和解, 希望雙方能和解而無需上庭審訊.
以上的建議希望可以帮你解决問題, 能令你討回公道.
收錄日期: 2021-04-16 14:22:48
原文連結 [永久失效]:
https://hk.answers.yahoo.com/question/index?qid=20080804000051KK01915