結婚斟茶斟給誰？

唔洗囉，正常只會斟比自己既兄姐囉，其他就斟比同你父母同輩或更高輩份既，疏堂親戚就唔駛(除非輩份好高都可以考慮下)。
都係睇下臨場既情況先囉，如果人地誠意拳拳係都想你斟茶，又準備定禮物仔，你無理由推人架，如果你親戚唔多米照斟囉，如果太多就要睇輩份同親疏喇~~~

表哥同表姐係平輩的, 你應該斟給長輩, 例如: 表姑媽, 舅父, 叔叔, 或者叔公等等...

冇話[應不應該]既

你可以自己選擇斟定唔斟(斟左又冇壊既)

不過就一定要公平

斟得比一個就個個都要斟

唔可以斟比一個又唔斟比一個甘

同埋斟比表哥表姐果陣你地唔駛跪

佢地唔駛坐

大家企o係度得ga la

因為大家係平輩

至於係平輩年紀又比你地細既

就大家都企o係度

佢地斟比你地

後輩斟比你地果陣你地就坐o係度

佢地企o係度

佢地斟完你地要比利是佢地

不過佢地通常都唔知

會走左去

你地就要即刻叫返佢地返黎

(呢o的係舅父結婚果陣個大妗姐教我ga)

祝你同你另一半白頭偕老ar!!

安伯話：結婚當日斟茶的對象有長輩、結左婚的平輩、新娘新郎的親兄姐與己婚弟妹。
表親都是依結婚未作準。如有禮物就會安排交收儀式拍照留念了事。
未結婚的人點會有利是乂，唔斟

正常結婚當日一對新人只需斟茶俾長輩們飲！
而表哥、表姐、哥哥、家姐，係你既同輩，基本上係唔洗斟，要斟既話都只係齋斟唔洗跪！但如果父母出到聲話當日要斟俾邊個邊個飲既話，你亦應該乖乖照做。因為唔洗就還唔洗，但斟茶又唔係一件難事，而且飲你杯茶嗰個人都要俾利是一對新人，所以對你黎講都無咩壞處吖，當日最緊要『皆大歡喜』！
希望幫到你！

好似不用
通常斟茶俾長輩

斟茶敬茶是一份專重, 如果大家願意, 所有長/平輩都應該敬的.