本人啱啱有咗兩個月,見紅,點算好...help

見紅...你要去睇婦科e生...你大多數係作小產.
你要比e生證實左你有小產跡象, 咁e生會比假紙你休息,
係呀! 要訓床休息...唔好做太大動作..唔好舉高手..唔好拿重物件.
屋企家頭細務留比屋企人做...你要休息多d..唔可以太操勞.
另外, 要戒食生冷野...凍飲...涼野...刺生等.

你要問下公司本身有無病假扣...例如我公司有20日病假...
咁你有e生紙證明..就唔會扣糧..
但過左20日有假紙..都會照扣糧.
呢個制度要問下你公司人事部.

你要同公司出示一張由e生發出證明你有bb既信, 同埋最好有埋預產期，咁公司就會保障你呢10個月，同埋可以放心公司係唔可以係你懷孕期間或放產假期間炒你.

所以你要小心身體! 多d休息! 希望bb會健健康康長大.

見紅一定要睇醫生, 因為有可能是小產跡像
你睇左醫生先, 就算要休假休息都要啦, 如果你仲想要個bb的話
你有左, 通知左公司未? 跟據勞工法例, 唔可以炒你的, 炒你的話可以告佢, 仲唔可以要你做粗重嘢添, 不然可以去勞工署及平機會告佢... 呢方面你放心...
至於請假扣唔扣人工, 要視乎你是否全職月薪計, 還是日薪計.. 如是月薪全職, 你又己經過左試用期, 跟據勞工例, 你每月有兩日有薪病假, 你仲有十個星期產, 可以擺四份三人工...

首先你唔使咁驚，懷孕初期見紅係好常見既，雖然見紅係作小產既跡象，但係好多人都會遇過，唔使咁擔心。休息下，唔好行黎行去，最好訓床，好快就會冇事架喇
第二，好老實講，你而家見紅既話，你睇咩醫生都係叫你休息多d，就算你唔睇醫生，係屋企自己休息都一樣冇事既。(除非流好多血啦) 不過因為見紅既話，最少都要休息三四日，最好都係睇醫生拎張醫生紙。
你拎住呢張醫生紙番公司，公司係唔可以炒你既，因為有僱傭條例保障孕婦。至於扣人工就要睇你放幾多日假喇，一般都會扣你所放病假既五分一
但係如果你冇睇醫生，自己係屋企休息，就會扣你年假架喇。

一定要去看醫生檢查清楚，當初我也是見紅，醫生叫我要多休息，要臥床，後來就沒事了。你聽聽醫生怎說先啦。

如果公司因你懷孕而炒你是違法的。請假問題要問公司，多數是扣自己假或扣人工，但這是一條生命呀!還是你的骨肉，要好好珍惜!