出獄程序係點既?

1. 正式嚟計, 在獄內無乜嘢要做, 亦無乜嘢可以做. 唯一可做係叫屋企人預早入定一套新衣服. 如果唔入新衫, 就請洗衣期兄弟幫手洗乾淨自已套衫.
非正式就大把啦. 派朱古力, 交代後事...
2. 簡單嚟講, 犯人如果行為良好, 無加監, 職員又無計錯數, 就會在犯人身份証(俗稱 "牌仔")上的 EDD日期 (Earliest Discharge Date - 最早釋放日期)當天早上出獄.
在EDD前一個月, 懲教署職員會覆核所有文件, 並計算多一次犯人的刑期, 然後叫犯人到指模房見總主任(Chief Officer, 俗稱 "CO"), 由總主任確實犯人出獄日期, 俗稱 "見一隻". 在犯人出獄前一日, 總主任會再覆核所有文件, 並計算多一次犯人的刑期, 然後叫犯人到指模房見監督(Superintendent, 俗稱 "Super"或 "阿一"), 由Super簽署確實犯人出獄日期, 俗稱見一日.
出獄當日晨早食完飯後(通常d人都唔食果餐), 會到指模房見阿一或CO, 跟住呆坐. 等d新人 / 過界犯人搞掂哂先, 再俾佢換衫. 然後數包頭 (點收入獄時存在獄中嘅私人物品), 點收最後一期工作糧金, 同點收懲教署每月代為儲起嘅部份糧金. 再由保安職員搜身(費事佢幫人帶信件出去), 然後由保安職員帶出大閘離開.

3. 通常係當日早上約9時. 如果出冊當日係星期日或公眾假期, 咁就會提早在上一個工作日出獄. 例如遇着年初三出冊, 就可以提早在年三十晚走.
4. 大閘門口

我朋友就快係喜靈洲出獄啦?
請問你朋友係唔係老同呀？
如果係老同因誡毒期滿,係喜靈又有少少唔同喎！不過大至上如下：

1.出獄前應該做咩?
可以向懲教署監頭申請入衫褲鞋襪。
2.出獄當日有咩文件或者程序要做?
主要經由懲教署高級主任確認身份、點算包頭、有無要求投訴。
3.出獄當日係會咩時間可以走?
食完早飯等亞三、亞四帶走辦手續。通常中午十二時前可以搞掂走得。
4.家屬朋友可以係邊度等佢呢?
如果無過界，當然係喜靈洲懲教署門外。最好問清楚你朋友個喜靈地址，因為喜靈懲教署有兩個喎。