鼠鼠係米換毛?

A.如果只係摸鼠鼠or見到籠入面有毛,就只係換毛,冇問題既
但如果甩毛甩到見肉or抓損自己,冇其他病徵,咁就可能係皮膚病了,皮膚病好少會致命既,唔洗太擔心,但都要留意下有D情況都會甩毛:
1)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
2)檢查一下甩毛既地方會唔會生粒粒,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
3)有第隻鼠打佢,打到d毛甩左or有其他外傷

有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,草同木糠會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥
5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
6)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既
7)當然可以直接帶佢睇醫生啦.(如直接睇醫生,以上用藥既做法請略去)睇醫生既話可以考慮一下:
大圍珍禽異獸及寵物醫院 DR.TIGER/DR.LAM
地址:大圍積信街75號地下 Tel: 2687 1030
http://www.taiwaiexotic.com/
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

B.你既鼠係咩品種?養左幾耐?
小銀孤,小灰霸,小紫王,佢地都係西伯利亞侏儒倉鼠呢種鼠有另一中文名,叫冬白俄羅斯侏儒倉鼠,呢類鼠在冬天毛色會變得較白甚至係全白,而熱天就會變返黑or啡or灰之類,不過唔係隻隻鼠都會變既,會唔會成隻變晒好難講,視乎個別鼠而定
而熊仔鼠毛色多數在成熟及開始老時有所轉變,未成熟時既毛色好多時都未定晒,所以會變,而老左毛色就多數會愈唻愈深色

但而家香港既四季並唔分明,以往一向冬天先變白or變回深色既情況都未必特定在冬天or熱天先變,有D會在第D季節變

另外,好多品種既鼠鼠,毛色會因為年紀慢慢長大而慢慢變色既
只要鼠鼠既毛冇甩,毛色變化係唔需要擔心既