關於錫安教會是否邪教一問

你好, 本人十幾年前加入過碩ON教, 後來背叛了, 曾被警方重案組帶返警署協助調查, 因我曾深入過此教參予各種活動, 我知道他們的事比起其他研究者還要多, 本人現已改邪歸正, 有正當職業.
今日碩ON教是怎樣, 我不太清楚, 因為我曾許下承諾: 「退出江湖」, 但是今日的碩ON是當日的延伸, 我切切實實的跟你說: 他們確實是邪教.
十年前的碩ON教:
十幾年前我當時還是一個大專生, 已經加入了碩ON教, 當時我以為他們是基督教, 如你所講, D人咁好人, 唔似係壞人, 原因好簡單, 接觸我的人也被騙, 被人利用去做壞事:
(1) 碩ON教相信:
1.1 二元論:
一切事物, 不是來自神, 便是來自魔鬼.
1.2 神蹟醫治:
所有人倘若生病, 不應看醫生, 應透過祈禱和按手得醫治, 若教徒生病去看醫生, 便是犯罪, 因為不信神會醫治他, 凡不信, 疑惑, 都是罪, 若教徒求神醫治, 並且不看醫生, 但沒好轉, 該信徒便是信心不夠, 因為只要有信心, 神必醫治他. 但該信徒此時仍不應看醫生, 因為看醫生便是不信, 便是犯罪, 死了會下地獄, 靈魂永遠被烈火燒炙, 應繼續相信神會醫治他, 直到信心夠了, 自會得到醫治.
1.3 凡病皆由邪靈所生
病的原因, 是因為人犯了罪, 被邪靈附身, 如果你有病, 他們會主動為你祈禱, 祈禱時會奉耶穌的名字趕去你身上的邪靈, 因為他們相信所有病皆因被邪靈所附.
1.4 恩賜運作
他們可以聽到神跟他們說話, 亦即是說: 如果他們幻覺地聽到神叫他做什麼, 他們會照做.
1.5 婚姻對象應由神決定
信徒不應自已決定跟誰人結婚, 需要由神決定, 單身信徒若未婚者, 需要等教會高層通知他何時結婚, 及跟那一個教徒結婚, 因為神會通知教會高層一切這些事, 即使需要結婚的信徒互不認識, 也要在得到通知後兩星期內照行婚禮, 因為這是神的旨意, 如若違反, 便是違反神的旨意, 便是故意犯罪, 另外, 教內嚴禁談戀愛, 因談戀愛容易犯罪.
1.6 叛教者受七倍咒咀及忌邪咒咀
入教淺者, 倘若思想上或行為上不信或違反神的旨意或教會的說話, 會受到七倍咒咀, 比如你透過祈禱醫好了病, 倘若你不信或離開教會, 會受七倍咒咀, 你的病會回來, 並且會乘大七倍來拆磨你. 而且會有邪靈對付你, (這個教義他們不會太早說給你聽, 直至你入教深了以後才會知道, 到時你便不敢離開教會, 而且連念頭也不敢動, 因你怕即時受到咒咀)
入教深者, 倘若思想上或行為上不信或違反神的旨意或教會的說話, 除了要承受七倍咒咀外, 還要承受忌邪咒咀, 死亡之靈會來對付你, 後果是嚴重殘癈或死亡.
這個正好能解釋為何他們會有過千人飲用外用藥水, 因為教主講了, 若他們不信或懷疑而不照做, 怕會有咒咀.
1.7 奉獻十份一收入是必需的, 否則會受咒咀.
佢地做咁多嘢為咗乜? 信徒的十份之一收入! 據估計, 十年前的碩ON教(信徒已經過千), 每年收入超過千萬, 唔信你睇吓教主既私家車, 係超過一百萬的名牌房車, 信徒們大多都是被騙, 他們很有愛心, 想更多人可以上天堂, 不需下地獄, 他們對神及對人的忠愛, 被邪惡的人利用, 還有, 為什麼我連人地個教會既名都打錯? 因為佢地警告過我, 如果我再講D乜嘢, 就要收律師信, 事實上, 對方是過億資產的大機構, 打起官司上來, 我一定好唔着數, 所以有好多知情既人, 俾佢地壓迫到唔敢出聲, 但是我為何還敢跟惡勢力對着幹呢! 為了不想再有人誤入歧途, 為了正義兩個字.

我覺得錫安教會係一間好教會，佢地只係堅守聖經的一間教會。
你可以繼續返，去觀察下有冇問題吖！
鼓勵你邀請多些朋友去倍你吖。
返去多 d 向他們發問些你以上的問題吧！
又可以去以下網址睇下佢地聚會、分享、生活等，讓你了解多一些:
www.ziondaily.com
努力啊！願主祝福你們

我都有參加過佢地主日崇拜, 真的有現實的, 當時我朋友介紹我給教友認識時, 因我當時失業並沒有工作, 他們好像不理會我, 而所有的崇拜, 都要租場用的, 沒有固定的集會地址.

另外以下是一些閞於此教會的新聞:

http://www.hkchurch.org/GenericStyles/Content.asp?ID=9241&PaperID=0010
http://www.christianstudy.com/data/misc/zionchurch.html

請自行衡量 (其實你可search 錫安教, 有著更多報導)

其實錫安教應該係異端or極端吧
異端既定義, 站於基督教既立場黎講,
係以基督教為號, 係基督教既教義中or 聖經中
斷章取義, 加入個人既思想, 從而扭曲原本基督教既教義, 就視為異端
但佢地表面上還是會話自己信耶穌呀, 信bible等等, 耶證就係個好例子.而極端則偏重基督教信仰中既某一d點, 而刻意唔理整體, 從而取出一d pt黎肯定自己既想法(當然, 佢地既一套思想有問題先要禁啦)

而邪教既定義係要對社會, 倫理, 人身等有傷害, 先至可以分類為邪教, 比如鼓勵人自焚呀, 獻生人呀, 自殺式炸彈等等先係. 而佢地未必會基於基督教, 好似撒旦教禁

錫安教表面上都話自己信耶穌呀bible等等, 但佢地會扭曲一d野, 偏重睇其中一點, 而刻意唔理其他一d pt, 但因為佢冇邪教既特性, 破壞倫理等, 所以應被定為異端或極端

2008-08-04 18:51:47 補充：
217onemanband
我唔係為同宗隱惡= =

我冇必要為異端講好說話,
我只不過係基於基督教對異端同邪教既觀念講出意見姐

你睇番鍚安教既資料, "雙氧水"係被用以"治療",
雖然結果係對人身有傷害, 但其原意並唔係禁
何況呢個"療法"原意並唔會破壞社會倫理

相對於撒旦教等邪教, 鼓吹集體性交等等, 顯然會破壞倫理, 亦對自身有害

鍚安教只係以基督教為名, 扭曲, 極端化其中既教義為主要問題
所以應被歸為異端or極端

本人無宗教,
所有我唔信的都係邪教.
都係騙局.