✔ 最佳答案
簡單d講回鄉證係大陸發俾港澳同胞既證件,全名單港澳居民來往內地通行證,顧名思義,響大陸過關就要用佢,仲有響大陸有時要用證件既的話,例如響銀行開戶口,住酒店,人地會睇你回鄉證而唔係香港身份證.
回港證係香港發俾有永久居留權既居民,來往大陸同澳門用既,以前身份證未可以用黎過關前,就係用回港證過關架喇,現時身份證可以過關,一般人已經唔需要用回港證,只有11歲以下兒童,因為佢地無身份證同埋唔見左身份證既人如果趕住返大陸,先至要用回港證.
而你係未有資格申請回港證(特區護照都係)既,因為你仲未係永久性居民,你既旅行證件就係簽證身份書,過關一定要帶,你張身份證只係方便你,你唔帶都無壞,唔帶簽證身份書就會有問題(雖然而家有得自助過關,但只係唔使你拎出黎,並無話過唔使你帶響身).
所以如果你要返大陸就必定要帶回鄉證同埋簽證身份書,當然帶埋身份證就最好,回鄉證就響中國旅行社申請,你可以上網睇睇有關資料同埋預約申請,
http://www.ctshk.com/zhengjian/gangao.htm,http://www.ctshk.com/passport/bookrep.htm