老公有婚外情, 去或是留

雖然我未結婚，但我都試過有第３者出現

一齊左兩年，點知有第３者出現
因為我唔想比機會佢再ｈｕｒｔ我
咁我就提出分手喇！
點知佢又求又跪又「ａ」番我
仲話已經同個女仔分左手
咁我咪信佢，同番佢一齊
雖然心入面係已經有條刺係度
但係因為自己仲愛佢，所以比多次機會佢
點知原諒番佢之後，佢繼續同個女仔一齊
同時間，佢亦都同個女仔講，同我分左手
（係後來同個女仔ｆｄ左，大家講番件事出黎）
最後我都做左幾個月既傻仔
因為個幾個月佢係背住我同番個女仔一齊
然而我知道佢同番個第３者一齊
我無退出，反而都繼續比佢一拖二
不過而家我已經同佢分左手

寧教人打仔，莫教人分妻
其實我覺得呢句野係唔多合理
唔通叫我地ｄ女人明知個老公出面有外遇
都要扮無事發生咩？？

我覺得你不如同佢離婚
一次不忠，百次不容
有得第１次，就會有第２次
雖然呢一刻你地之間無第３者
但無人可以擔保下一秒佢又會唔會再有第３者
同埋襯你地未有小朋友
咁就更應該同佢離婚
你話有小朋友就難諗ｄ姐
話哂可能個仔仲細，要諗埋佢
但你地而家都未有小朋友
咁你淨係諗你接唔接受到佢今次既不忠
就算佢又求又跪又點姐
比我呀！就算我做左ｄ對唔住我男朋友既事
佢知道之後，我都會又求又跪嫁喇！
就連我自己都唔擔保，我會唔會再錯多次既時候
咁試問你又點可以再信佢呢？？
況且就算而家你同番佢一齊
你都唔會可以好似以前咁開心
因為你心入面永遠都有條刺
佢今次帶比你既傷，係永遠的
你一日唔同佢分開，你一日都唔會開心
同埋今次佢做錯左
你對佢既信任已經減少左好多
無論佢之後做咩
你都會唔信，會去懷疑
咁何必要咁辛苦自己？？？

呢ｄ婚外情／第３者既出現
做戲都做得多
你同我睇戲都睇得多喇！

姊妹，唔好信佢呀！！
真的．．．
一次不忠呀！！！
記得．．．
唔好衰心軟
唔好見佢無哂心機工作就心軟
試諗下．．．
呢件事發生左
你都無哂心機做任何野嫁
但佢有諗過呢樣野咩？？！
你為佢付出過既，你都唔理你
咁你仲何必要顧佢既感受呢？？
因為你離開而影響工作
你話係你做錯野離開佢就話姐
但而家係佢做錯野
而令到你要離開佢
因而影響佢既工作
咁就係佢自己羅黎
與任何人無關

其實你自己諗都知道
同番佢一齊根本唔可以好似以前咁
咁何必仲要係呢件事上面
拖拖拉拉呢？？
早ｄ了斷
痛苦減少


可能我既意見係好先入為主
對有第３者既男方係好有偏見
不過，我都希望ｄ意見可以幫到你
亦希望你地可以雨過天晴

如果我係妳我就一定會同佢即刻分開
(即係離婚既意思)
佢就係知妳會唔捨得走先咁大搖大擺!!
有乜理由男人講D咁既口甜舌滑廢話妳都信
我都好同情妳
不過感情既野係要靠雙方堅守
佢已經破壞哂愛情既承諾
所以如果係我就一定唔會接受留低

一次不忠已經不能再信任他，
跟他有小朋友之後才離婚既話，
妳要找另一半的機會又會大打折扣。

最重要愛你自己，佢當初都無理你嘅感受，你又何必為佢擔心 ？為自己打算吧 ！

男人最普遍的缺點就是三心二意又容易受誘惑但又愛拖拖拉拉，何妨而家的女性都是有經濟背景不需要他負擔，所以樂於一拖二或一拖三，如果想分開一定要有決心，否則被對方冧幾句又心軟只會繼續拖下去，你一定要自己衡量自我的抗道能力，離開他之後可不可以開心地渡過，最好分開一下冷靜想一想及看能不能過渡，不要將給自己和他有藉口，分開才會知道大家是不是沒有對方不能生存，你己經給了他多次機會，不可再怙惜，要讓他知道你是有決心的。