男朋友愛我嗎？

一般既男人都差唔多就係好似你所講咁既。
因為以你所講,你地一個月先見果4-5次,係咁次次做愛都唔奇。
但係而你所講既情報黎睇,你男朋友又未必有第三者既。
你覺得佢有第三者都唔係好出奇,因為可能你係同佢多數時間分隔兩地既人。
但係你男朋友係唔係有第三者,我真係唔多知。
若然你唔想每次見佢,都同佢做愛既話,咁不如你同佢講。
例如你想點,就同佢講你想點。
愛情並唔係單方面架,如果你只係順晒佢意,咁佢當你係工具都唔奇。

以下回答你既問題:(所回答的問題是根據你所提供既資料回答。)
1. 其實佢係咪真係愛我，定係當我part-time lover呢？
答:佢係愛你,但係有幾多我並唔知,當然佢都有些機會係同你玩玩下。
2. 如果佢唔鍾意我，會唔會照拖吓我架同錫我架？(半年關係)
答:如果佢唔鍾意你,咁可能你係一個有錢既人。如果唔係,比我都唔會錫一個自己唔鍾意既人。
3. 男人如果唔鍾意個女人，係咪可以照做愛架？(半年關係)
答:男人如果係唔鍾意個女人,咁就一定唔會同佢做愛。除非你係有錢啦,如果唔係,咁就一定係你自動送上門,而佢又係一個有得食就食既人。

其實講真,我覺得佢係鍾意你既(直覺),只係唔知佢個心可以同時鍾意幾多個人囉。有d人會只係係一個時間鍾意一個人,但係都有d人係同一時間會鍾意好多人。而佢每次同你見面,佢都同你做愛,咁我覺得佢成日都想同你做愛,成日都想咁咪等於佢成日都諗住你囉。而佢有無第三者......唔知佢係一個什麼人,要估都好難估。
總之一句,你唔想成日同佢見面都做愛既話...咪諗多d活動同佢做囉。但係....可能係活動過後都要同佢黎一Q........

1. 其實佢係咪真係愛我，定係當我part-time lover呢？
半年...我諗佢同你一齊...就算真係有第3者,佢對你應該都重有愛意.男人好多都係愛得起..放不低的人...佢重愛你..不過時間淡.感情會轉淡.希望你自身抽多d時間搵佢
2. 如果佢唔鍾意我，會唔會照拖吓我架同錫我架？
男人角度,,會..
3. 男人如果唔鍾意個女人，係咪可以照做愛架？
男人角度,,會..
第2同3既問題..可以反映佢想同你親密d...如果對你..冇曬感覺,好小會主動帶人返去又搞又kiss

答１.其實你男友係咪愛你真係只有你自己先知道，因為單憑你講幾句，我又好難斷定佢愛唔愛你．．．（不過都係一齊咗半年，都叫熱戀期，一個月只可以見４，５次？？咁每次見面食飯加做之餘大家仲有無傾吓其他嘢？工作？家庭？其他話題有無？）
答２.某些男人唔鍾意一個女人，都可以當係拍散拖之類，好難一概而論．．（有些男人可能會話佢哋唔得，不過我自己認為都好少部份）
答３.大部份男人唔鐘意一個女人，都可以照樣同佢做，因為佢真係無蝕，如果唔係都唔會有召妓呢樣嘢，唔會個個男人都鍾意個妓女先想同佢做卦？我朋友佢男友要同佢分手的時候原來已經同第二個女仔拍了半年拖，但那半年佢對我朋友好冷淡，但又要同佢上床．．．真係九唔答八．．．散時仲要同我朋友講話一早已經唔鍾意佢，只係唔知點開口講分手．．）

或者幫唔到你啲咩，真係純粹個人意見．．．