我隻巴西龜唔知點醫呀,,,急

第一件事要做係立刻隔離病龜，以免傳染另外一隻。

你睇吓佢游水會唔會側身，有就好大可能係肺炎，冇就可以暫時放心，應該係由感冒引起既呼吸道疾病，

不過呼吸道疾病嚴重都會變肺炎。

普通呼吸道疾病可以試下下面的方法，我親身試過真係掂。
首先餵葡萄糖水俾佢補充體力，增強抵抗力，吊住條命仔。之後餵大約8-12羹維他命C俾佢（羹以快餐店奶茶羹為單位，維他命C用兒童維他命C沖劑開水後再大稀釋，稀釋比例無一定標準）。平日亦要多曬太陽殺菌和每天用鹽水徹底消毒缸。亦可考攄用把1滴龜精靈落入1000ml水弄稀作浸療，但這效用不會太大，但可作保健預防用途，因我隻龜龜每次感冒不久就起眼炎，我也不知道為甚麼。大約2個多星期後肯食返野就停止餵葡萄糖水和維他命C，照平常餵野食俾佢就OK。

如果真係肺炎，一定要睇醫生打針，可以去大圍有間專醫爬蟲類既診所。不過如果你隻龜係BB龜或很細隻的話，其實睇左醫生都係無用，因為太細隻根本打唔到針架。

喂藥須知﹕
係喂藥前，應先準備以下工作及把要用的東西放在喂藥地方的旁邊。
1.把喂藥用的藥水放在小盆裹。
2.準備一條小毛巾、一些紙巾及一隻小羹（建議羹可到快餐店拿奶茶羹代替）

喂藥次序﹕
1.一手輕輕把龜按著。
2.另一手拿著有藥水的小羮放在龜的嘴旁。
3.歡察牠能否自己開口，就把握機會把藥水倒入去，如果見牠的嘴快速地閉上又打開，就代表已經飲了啦。
4.唔肯開口的話，用手輕輕按著龜龜的鼻孔，待牠開口呼吸時把握機會把藥水倒入去，同樣如果見牠的嘴快速地閉上又打開，就代表已經飲了啦。
5.還是不行的話，就試試把藥水從嘴角邊倒下，不過能順利把藥水倒入嘴裏的機會很久微，同樣如果見牠的嘴快速地閉上又打開，就代表已經飲了啦。
6.重覆以上動作，直至喂藥分量足夠，喂藥分量是指龜真的喝下肚的份量才計，沒喝下肚的不計。




有問題可到我Blog留言:
http://hk.myblog.yahoo.com/terrapins-world
改版中-資料暫時缺乏

2008-08-09 18:45:07 補充：
而且有呼吸道疾病旣龜唔太仲意泡在水中，因鼻仔很難呼吸。