玩具貴婦狗問題~

１）其實邊度買狗一定健康，最好找d信得過，自家繁植有d都幾好，不過你要留意隻bb既爸爸媽媽個種，咁會可以知道隻狗狗大約係點，例如乖唔乖，聰明等，如果去寵物店買唔好因為得意即刻下決定，首先要睇下狗bb個pat　pat，有冇痴住d臭臭，如果有即係狗狗既腸胃唔太好，個鼻仔有冇好濕，濕到滴出黎，即係bb可能感冒，最好叫佢出示醫生紙証明隻狗狗健康，最好你帶隻狗狗check左先，有d寵物店係容許嫁。
２）價錢就要睇下佢靚仔靚女既情度，有d因為daddy、mummy拿過奬，身價自然唔同d，有d寵物店可能宣傳做得多都會收貴d，市面應該７０００﹣１００００度la，我有朋友買左隻自家繁殖１８００，佢都好叻，最緊要睇左佢既daddy、mummy先。仲有顏色都會影響佢既身價，silver color既 poodle係最貴，即係灰色，因為品種好少。
３）健康既狗狗第一題答埋
４）你想要係toy　poodle（玩具貴婦狗），首先要知poodle有分size,tea　cup（茶杯貴婦狗）、toy　poodle（玩具貴婦狗）、迷你貴婦狗、標準貴婦狗，最細係tea　cup，得８寸，toy　poodle有１０寸，mini　poodle１５寸，要留意你係要邊類型既poodle，bb個陣係睇唔到，睇佢父母先睇到，poodle一定要３個月度帶佢剪毛，唔係會好似乞兒狗咁，小心佢地既腳仔，唔好比佢地jump咁多，poodle本身係好好動，要從細教佢。
５）狗狗需要係8星期大打第一支針，12星期打第二支針，16星期打第三支針，個支針係混合針注射，所預防的病菌基本上有六種：狗瘟， 肝炎，犬傷寒， 病毒性腸炎，腎炎同 呼吸道(感冒)，當狗狗過了一歲，體內已有足夠抗體，之後每年打一次混合防疫注射就夠，仲有狗狗五個月大要接受瘋狗症防疫注射，同政府申請瘋狗症牌，之後狗狗需每三年都接受一次瘋狗症防疫注射，仲有做個負責任主人，你要為你隻狗狗拿狗牌，到時你去獸醫診所，姑娘會同你解釋。有d寵物店會同狗狗打左第一支針，你要問清楚。
６）狗狗一歲後先開始杜蟲，我自己隻狗狗就食葯丸，三個月一次，杜心絲蟲一個月一次，杜「室」一個月一次，係滴葯水落狗狗頸，其實可以打針，不過我主張食葯。
７）養一隻狗狗係一世既事，未必係你既一生，但佢一生就交左比你，佢好似bb咁，唔識照顧自己，你要照顧佢，要幫佢沖涼，執臭臭，洗尿尿，餵佢，帶佢散步，打針，有病帶佢睇醫生，要教佢（好緊要）如果唔係你會有一日覺佢煩，帶識佢尿尿臭臭等，為佢揀一款好既狗糧，好既沖涼液，無論佢老左會失禁，你都依然照顧佢，包容佢？同埋養隻狗狗係唔少錢同要用唔少時間，你有冇咁多錢同時間比佢？仲有買隻狗返黎前請三思諗下你屋企人會唔會都鍚佢，佢唔乖，你可以包容佢嗎，可能教佢尿尿要好長時間，你可以包容嗎？？仲有買狗狗前要買定狗籠，狗床，狗用品，食糧等。其實個人認為領養仲幸褔，我隻狗都係領養，帶佢返黎個陣好醜，但你用愛心照顧佢，佢會變得好靚，我用左一年時間教佢尿尿，教佢動作，佢好叻，仲可以幫雜誌影相做model，同上電視，所以未必領養既狗就唔好，建議你留意下，仲有㚥重要一環，你無論買狗定領養，一定要為佢絕育，因為實在太多狗狗冇人要，做個負責任既主人，仲有問題，我樂意你找我，大家討論下^^

2008-08-03 02:59:47 補充：
仲有養狗係一生一世既事，唔係你一生，係佢一生，肯定你自己唔係一時貪得意，肯定無論點你都唔放棄佢，肯定自己會有時間理佢，因為岩岩先答完另一位網友問題，佢話唔要佢隻狗，養狗前請再三三思，thanks