我相信一般人眼中
係一件好幸福o既事
但係依個卻唔係必然
甚至響我眼中
佢地o既幸福往往都係必須建築響其他人o既痛苦之上
好似你鍾意某個人
想同佢拍拖/結婚/搞野
乜都好啦
如果佢同另一個人拍拖/結婚/搞野
咁你心裡面一定好難受
話就話就叫自己要偉大d
並且祝福佢幸福快樂
實際上
我相信痛苦你一定點有d
而家你換個角色
你同某人(求其叫做亞may啦)拍拖/結婚/搞野好幸福咁o既款
點知有另一個人鍾意你,求其叫佢做mary啦
而你唔鍾意佢
原因係因為佢樣衰又好,無錢又好,唔係基督徒又好,乜都好啦
咁作為一個基督徒
雖然你同亞may拍拖/結婚/搞野係好開心
但係當你諗起mary會因為你同may做依d野而好痛苦
而其實你知道亞may同第二個拍拖/結婚/搞野都一樣會好開心
你會唔會為左唔好令mary甘傷心
同佢拍拖/結婚/搞野呢?
你咁樣做
雖然換黎自己無咁開心
但係咁就變左mary好開心
而亞may雖然無左你
但係都可以好開心
我依個問題o既重點
就係想知道基督徒
愛自己多d定係愛其他人多d
我想知道有無基督徒能夠做到捨己為人依種精神?
先將別人放在第一位
接住先到自己
講明先
我唔係基督徒
亦做唔到咁樣架
更新1:
回應[克成]：[亞may雖然無左你但係都可以好開心]同埋[mary就一定要同你一齊先至會開心]係假設. 我順便再作多個假設:就係mary可以完全察覺唔到john唔愛佢,因為john本身係一個好人,佢對任何人都好好,所以mary成世都唔察覺. 我講出一個咁o既scenario,個重點就係想睇下有無基督徒有[捨己為人]依種精神.其實換個另一個scenario都得架
更新2:
唉,算la,你都唔明我問題個著眼點響邊,我都話個重點係想睇下有無基督徒有[捨己為人]依種精神
更新3:
咁簡單黎講,我想知一位好o既基督徒(以聖經o既定義)係咪時時刻刻都需要有依種[捨己為人]o既精神? 我所舉嘅例子點解唔可以比d基督徒代入黎測試下響依種情況下有無[捨己為人]o既精神?