我一向鍾意同比我大的男人拍拖, 20歲時喜歡了一個40歲的男人, 但最後都分開左.....但係轉眼已經28, 9歲, 加上工作沉悶關係, 有個口花花既男同事追我, 他很外向, 什麼都懂, 又識逗女仔, 唯一係佢樣樣貪新鮮鍾意玩, 尤其感情方面好易用情不專, 以前同佢拍過拖既女同事起碼2-3個(以我所知), 不過當時覺得每個人都有佢既過去, 佢亦都好坦白咁話比我聽我邊D真係有拍過拖, 邊D係其他人亂吹的, 所以就咁我地就開始左.....
不過辦公室戀情真係好難keep secret,加上佢太明顯, 開始不斷有同事暗示叫我同佢拍拖要諗清楚, 因為個個都知佢對感情吊兒郎噹, 而我郤唔係一個玩玩吓既女仔.....
事後回想, 都是寂寞惹的禍, 因為過程相當辛苦, 要keep住一個天生愛情狂真係唔容易, 之後我受了一次重大教訓, 佢竟然同另一個同事一齊, 而呢個女仔仲係我朋友.....佢地背棄了我出賣我.....而我就要日日係公司對住佢地....
就此我得了情緒病, 我覺得同事們好似個個都係背後笑我, 其中一個女同事約我放假出嚟玩, 佢叫埋佢成班 friend, 其中有個男仔對我有d意思, 雖然佢大我少少, 但係個人性格就完全真正比到我要既安全感: 善良, 誠實, 專一, 勤力, 孝順, 幽默, 樣子又幾好......我心諗原來有d人只可以做男朋友, 做老公的又係另一回事, 同他一齊之後, 我已經唔需要食葯, 而佢又陪住我走過呢段時間, 2年後我地終於結左婚.
婚後他一樣對我好好, 做野更加博刹, 佢話想趁後生快d供完層樓, 不過我一話想去旅行, 佢就一定陪我去, 我覺得嫁比佢真係好幸福呀!
但係人係咪真係唔識得知足既呢? 結婚3年, 我地生活得越來越平淡, 佢時常要返大陸或出trip做野, 我亦都完成左個學位課程, 不過話題郤漸漸少了......
公司裡掉了新位, 我留意到附近另一部門有位男同事經常望住我, 起初我不以為意, 但時間久了, 對他有了"基本認識"後, 莫名其妙對他產生了好感, 我感覺到彼此也有相同感覺, 只不過佢應該有太太或女朋友啩? 因為佢40多歲, 條件又好, 但係我郤越來越想著他, 佢一放假我就心掛掛.....而對我老公郤不知不覺地冷淡了, 同時間, 我都發覺老公也對我比以前冷淡了
或者我根本唔係一個好人, 既然上天已經給了我一個好老公, 點解仲要咁多心? 當初係咪為左結婚而結婚而唔係真係鍾意佢? 真希望自己唔好咁多情......
唔通整定既?
2008-08-02 7:58 pm
回答 (7)
2008-08-02 8:40 pm
✔ 最佳答案
其實每個人都會有這種心理，當你對住一個人耐左，就唔似以前熱戀期時般甜蜜，結了婚後好多野要煩，好多野都要注重實際，所以點解而家咁多人廿幾尾先結婚就係咁，25歲前係未定性，往往未必完全明白結婚後的責任。拍拖時甚麼都不用煩，又沒有金錢負擔，所以感情特別好。結婚後，愛情就變為親情，是愛情的昇華，會當了對方是自己最親最親甚至親到近乎父母兄弟姐妹般。你們無話題講也是正常，就正如你未結婚時天天對著父母，也不是日日有講不盡的話題，你初初識一個新朋友是不是有講唔完的話題? 就是這個道理。不過你有咁好的老公，你就要好好珍惜了。其實你仍愛你老公，只是未讓你發現到，因為你從頭到尾都是那麼愛他，這些都是透過『患難見真情』才清楚知道自己最需要的是誰。你已經結了婚好幸福了，無謂再想其他男人了，千萬別讓自己後悔，好好珍惜吧!
2008-08-07 4:55 pm
That's the basis for education. We are human beings, not animals, and we have to learn and understand the social structure and behaviour. Fate and Destiny may play a part in life, but, if you know the dangers of fire (through education in school, or, experience in life) and don't play with it, you don't get hurt by it. Your future is in your hands. You have to 'control' your foolish thoughts and acts, in order to avoid family tradegy. Sparkles (through extra-narital affairs) can end up with a big fire. Look before you leap.
2008-08-03 9:18 am
全部都只係因為妳並唔認識真正既愛情
就算到妳老左妳都唔會品嘗到真正既愛情係點
妳只會白白哂左一生
不過妳依家唯一可以做既就係珍惜現狀
唔好再周圍攪咁多男人
希望如果妳有小朋友佢地可以認識到真正既愛情
妳太唔明白愛情唔係隨隨便便搵過夠老夠花心
我都覺得妳好遺憾
就算到妳老左妳都唔會品嘗到真正既愛情係點
妳只會白白哂左一生
不過妳依家唯一可以做既就係珍惜現狀
唔好再周圍攪咁多男人
希望如果妳有小朋友佢地可以認識到真正既愛情
妳太唔明白愛情唔係隨隨便便搵過夠老夠花心
我都覺得妳好遺憾
2008-08-02 8:51 pm
一心一意愛老公吧！如果他（同事）是巳婚又愛上妳,不是一個好男人！他可以對妳好也可對第二個好.妳一定不是他的唯一.
2008-08-02 8:37 pm
男朋友同老公好唔同!老公係陪你一生一世嘅~男朋友只係你生命中嘅過客!你老公好好,點解仲唔知足?真正嘅愛情就好似親情,細水長流,甘先可以長長久久!結婚後,無話鍾唔鍾意,嫁比一個男人,就係一生一世架啦!唔只係一紙婚約甘簡單!
2008-08-02 8:12 pm
你好。
做人要懂得 : 知足、寬恕、感恩、惜緣。 夫妻間關係需要共同維繫, 你已經泊左個好碼頭, 就要珍惜, 唔好錯過; 外邊既誘惑, 係過眼雲煙。
謝謝。
收錄日期: 2021-04-13 15:53:49
原文連結 [永久失效]:
https://hk.answers.yahoo.com/question/index?qid=20080802000051KK00876