轉日本奶粉邊隻好?

"日本雪印" 係新出嫁,
但係 "雪印beanstalk" 營養高d,
不過如果bb吸收唔晒都係無用!
"日本雪印" 就多左乳鐵蛋白,
乳鐵蛋白有助鐵質吸收,
鐵質係製造紅血球既重要原素!

"森永" 就對腸胃好d, 有助排便
"明治" 營養比較豐富, DHA多d
"和光堂" 加強bb腦部成長, 幫助消化吸收
"ICREO" 胡蘿蔔素特別高, 脂肪同膽固醇都比較高

日本奶粉都係近似人奶,
不過都係要夾bb, 你慢慢試下先啦~

http://www.ieat.com.hk/catalog/index.php?cPath=60依個網都有日本奶粉買夠２００仲有得送貨．．去睇下喇．．

www.mybidbuy.net
專業代購代入口各類日本奶粉及嬰兒用品, 日本奶粉批發, 歡迎查詢。

好多人會問, 點解香港同台灣既人會叫 Beanstalk 奶粉做雪印? 除左佢叫做 Beanstalk Snow 之外, 其實佢同日本雪印係有直接關係。日本雪印係 2000 年發生嚴重事故, 話說當時有好多人食用左雪印既乳製品之後出現痾嘔肚痛既中毒現象, 人數達 1萬4 千人! 雖然中毒唔及大陸既大頭奶粉嚴重同影響深遠, 但係就嚴重影響雪印聲譽, 結果銷量由全日本第一位跌到第三位, 俾明治同森永取代, 直接損失 110億日元! 而公司管理層亦都解散, 當時日本有名既大塚製藥 (有睇日劇既一定識) 接管嬰兒奶粉既業務, 以製藥既管理黎生產奶粉, 所以 Beanstalk Snow 就係 2002 由大塚製藥集資 5億日元成立。所以 Beanstalk 一直被大家稱為雪印, 但係你問好多成日去日本既人買雪印奶粉呢, 佢地一定會話你知日本雪印停產左好耐, 而產生混淆。

今年年尾日本雪印捲土重來, 係停產左 7年之後重新推出嬰兒奶粉, 實行抵食夾大件, 相比起森永、明治同 Beanstalk 越賣越細罐 (想你快d 食晒一罐賺多d), 可以同另一個老牌子和光堂睇齊。

其實日本食物有品題都唔係乜野新事, 明治都試過, 問題比起大陸既大頭奶粉實在太小兒科, 不過如果你問我邊隻最穩陣, 從 track record 黎講穩陣程度, 應該係 Beanstalk, 森永, 和光堂 > 明治 > 雪印, 從公司背景就 Beanstalk 最強。

其實冇話邊隻奶粉特別好嫁喎
要睇你bb岩食邊隻
個個都話食雪印bb會白d 但有好多人食雪印bb冇白到
食明治bb就會大大隻..不過有d bb食完都冇特別大隻
所以最緊要係bb食完有屎痾..冇特別問題就ok嫁喇