唔該!我想問下關於藍光碟的幾個問題!?

要睇你點定義高清既質素.
如果單講解像度,其實佢真係1080p的.
至於會比DVD好幾多要視乎母帶的質量.老實講,好多都只係比DVD好小小.
以前好多電影都係用菲林拍,菲林的解像度絶對足夠做高清,問題係以前既器材同拍攝技術根本唔可以同今日既相比.
有啲唔係太舊既電影用藍光睇係會比DVD明顯好的.但就冇新片咁清.太舊既就冇大分別.DVD的畫面並不是母帶質素的,由於DVD解像度本身唔夠高,就算母帶好靚,經編碼後都會變差.用翻同樣既母帶做藍光碟,解像度會高翻.
至於聲音方面除非搵人再做過,否則唔好有乜期望,即使個格式係Dolby True HD, DTS Mater Audio都係得啖笑.
除非係高解像顯像管電視,一般家用顯像管電視係睇唔到高清效果的.即係同睇DVD冇分別.LCD mon其實個解像度係高過顯像管電視的.所以睇落會有分別.
想買藍光影碟可以去旺角奶路臣街德發商場地庫,嗰度有幾間舖,其中一間仲有日本版,法國版等發燒友產品,動畫都有小小.不過日本動畫唔係咁多,可能睇動畫既人唔係太捨得用咁多錢買藍光碟.