能仔鼠，食唔食瓜子？

A.唔食瓜子肉,咁鼠鼠係咪只食果仁?鼠鼠好多都會食瓜子,但如果有第D更好食既野,就易D唔食,而鼠鼠開晒D瓜子冇食,可能只係收埋野食既一種方式,唔代表佢唔鍾意食既,鼠鼠好喜歡儲糧

B.不過唔建議你買瓜子同果仁俾鼠鼠食,咁樣營養會唔平均,可以去鼠店買一包多款既混合主糧俾鼠鼠,同時都可以加d鼠專食既牧草or草磚
而家既鼠糧都係經研究而鼠成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面鼠鼠喜歡既野食,就好似而家你既鼠鼠咁,食野偏埋一邊

一般正常情況下,並唔建議俾鼠糧糧同草以外既野俾鼠鼠食,除左以下呢幾個情況:
1)萬一鼠鼠便秘既話,其實可以俾d橙衣俾鼠鼠食,唔太多水份,又有益,我細個時試過鼠鼠便秘,食完橙之後肚瀉添
2)若鼠鼠瘦弱生病,就可以食白麵包or麥片去補充營養
3)如果冇晒糧又未買得切,就可以暫時以白米代替,但都要盡快買返糧
4)若鼠鼠生育後,餵奶期間可以俾奶粉沖既奶佢飲,切勿俾鮮奶,唔係好易肚瀉

俾鼠鼠食既野好影響鼠鼠既身體,亂咁俾野鼠鼠食,好易會令鼠鼠唔舒服,例如肚瀉,膀胱炎等,好多時呢D影響都唔係咁易見到,但一被發現就多數已經好嚴重,而蔬果or人食既野,建議都唔好俾鼠鼠食,原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既

C.轉糧有機會令鼠鼠腸胃不適既,如果仲有舊既糧可以混d新同舊既食下先,慢慢再完全取代

而且要留意,買既糧最好唔止一間鼠店買得到,以免到冇咩糧既時候,該店冇得買,咁就好麻煩了
轉糧之後,一定要多加留意鼠鼠既排泄物有冇異常,一有問題就盡快處理

D.一般係可以去到2-3年命,最長命既我試過4年多,不過只係一次
5年命就真係未聽過同未試過,書本資料都只係3年,不過寵物店始終係做生意既地方,店員講既野一定要自行分析先好相信,特別係鼠鼠生病時,如果去問鼠店,就更要小心,都有網友試過去問鼠店,結果買左D完全冇關既藥

係熊仔鼠....熊=戈火.....唔係能....