去長隆大馬戲+長隆歡樂世界+水上樂園 希望大家幫幫手

我上年暑假同女朋友去過一次,係自由行咁去

咁我就係中旅度買自由行package,咁佢包一晚酒店 + 長隆大馬戲 + 交通套票 ,咁其他門票你都可以係中旅到買埋,因為會平d。

酒店方面,有平有貴啦,就係可以係中旅到揀埋,如果要好既,我會推介長隆酒店既,因為真係五星級水準,不過貴d,標準雙人房要$2000幾,咁我上次去呢就入住 番禺歐洲假日國際酒店公寓 ,咁佢係家居式d既,d房就好屋企化既,有哂基本既家電,幾大幾舒服下既,咁係酒店樓下飛的去長隆就係大約$30-$40到,咁去中旅買個套票都係大約$1000左右,平好多!!!
咁我有朋友就住過番禺麗江明珠酒店,咁都話唔錯的,麗江明珠都好近長隆，搭的士都唔洗$20。

咁因為我上次真係自由行,所以上次就係觀塘apm樓下巴士站搭車去皇剛再轉車去番禺,咁就係番禺賓館 到落車既,不過我就唔係好推介你搭巴士上去,因為真係好辛苦...搭成兩三個鐘車,係皇剛d大陸人服務又唔好,真係怕怕,所以你搭船就好d,係中港碼頭上船直接去到蓮花山。咁如果你去長隆酒店既就會有專車既,咁如果你去另一d酒店既就可以飛的,都係$40-$50嫁姐。

最後我比d個人既提示你:
1.要玩長隆d樂園設施既,一定要係中旅買票,一來平d,二來如果你去到先買,要同d大陸遊客迫...真係好辛苦...冇禮貌都不單只,又唔守秩序...
2.係番禺飛的真係好平,不過要講價,唔係會比人當水魚咁...
3.係番禺食野都係好平,不過最好搵d大間d同價錢會理d,如果太平既,質素係點你都諗到...

2008-08-02 02:13:45 補充：
番禺歐洲假日國際酒店公寓係有2間房的,如果你同朋友冇關係既可以分房訓,真係唔錯!!!

你頭一日早d去到就去水上樂園玩啦,咁之後夜晚就去睇大馬戲,第2日就係酒店check out去長隆歡樂世界,玩完仲可以食個飯先返香港,2日1夜岩岩好。

我上次既行程都係咁。2個人都係用左大約3000幾姐,不過我就帶左$5000去既,以防萬一麻

長隆大馬戲: 老少皆宜, 室內節目.
長隆歡樂世界: 親戚剛去, 雖然老少皆宜, 但幾乎中暑.
水上樂園: 老人家不宜, 其他無問題. 最宜現在去.
如果同日去, 先決定去邊, 再在香港中旅社買票. 雖然價錢一樣, 但香港收港紙, 大陸收人民幣, 變相89折.
要方便, 當然住長隆, 否則住市中心, 加上大部份好食店市均在市中心. 當你定票時可以在中旅社一同訂. 你預每人2000, 絶對可以住長隆, 無問題.

7月21 ~ 23日玩完回來, 都係3日兩夜, 係住歐洲假日國際酒店, 玩長隆歡樂世界同水上樂園, 有以下提議 :
同中旅社訂自由行套票, 酒店有 : 星河灣酒店, 長隆酒店, 番禺賓館, 雅居樂酒店, 歐洲假日酒店, 紅馬泰欏大酒店, 六間.
我上年八月, 同今年七月都是住歐洲假日國際酒, 此酒店為五星級, 同中旅訂會比套房你, 一大房一細房, 兩廁所, 客飯廳, 重有路台, 酒店有兩個免費泳池, 室內及室外, 重有免費車接送前往樂園景點, 車程20分鐘, 需訂票, 最早船 7:50am, 於中港城上船, 船程1小時50分, 到番禺蓮花山上船, 碼頭有免費來回車往酒店, 車程35分鐘, 落船行出碼頭問問便可, 回程返香港最遲 6:00pm
套票價第一晚 $1,686, 包括 (套房一晚 早餐2位 水上樂園門票2張, 來回船票2套).
套票價第二晚 $879, 包括 (套房一晚 早餐2位 歡樂世界門票2張).
長隆大馬戲 $179/位.
行程建議 : 坐最早船去番禺, 再坐免費車往酒店, 到酒店後立即取房或寄存行李, 同時立即訂免費車往長隆歡樂世界, (11:00有班車), 歡樂世界開放時間 9:00am ~ 7:00pm, 長隆大馬戲開放時間 7:pm, 演出約80分鐘, 睇完可以座的士去祈福食街, 約$15人仔, 那裡有成70間食市, 更有一間合心意, 我試過間順德人, 好食過好多香港食市, 價錢好平, 我地六個人, 叫左八個菜, 兩支啤酒, 都係$245人仔, 好味指數有95分, 可以考慮, 食完打的返酒店, 約$25人仔, 記住要講價, 回到酒店記得預訂明早免費車往長隆水上樂園, 訂最早車 9:30am, 車程20分鐘, 不過那天我自己打的去, 9:30前去到, 約$40人仔, 車程15分鐘, 早啲去人小啲, 唔使排隊, 遲小小就好多人, 自己考慮.
第二日早啲起身, 到酒店食早餐, 坐車去水上樂園, 先穿好泳衣在內, 去到租 Locker, 除下便裝放入 Locker, 好安全, 租金 $20, 按金 $20, 全日計, 約一尺丁方, 租後有個密封防水膠瓶送給你, 可放入人民幣及煙仔, 細細個好好用, locker 有鎖匙比你, 可除意開關, 帶 $500人仔啦, 先放 $300 入膠瓶, 用完可去 locker 再囉, 樂園入面好多小食及飲品, 小食有 (雞翼$10/隻)(火雞翼$25/隻, 超大隻)(煎餃子$10/5隻)(燒魷魚$10/隻)(牛什$10)(串燒$10/3串)(炒烏冬$?, 因無食到, 唔記得幾錢), 好食過海洋公園多多聲. 飲品有(椰青$15/個, $25/2個)(汽水$6/支)(礦泉水$5/支)(百威啤酒$15), 價錢好合理, 先玩齊樂園設施, 再租用水泡, 水泡用於玩沖浪灣及漂流河, 如轉頭想再玩樂園設施, 水泡有寄存處, 免費的, 所有樂園設施都有小小地方給你放下物品, 如拖鞋, 眼鏡, 毛巾等等, 玩完便取回, 貴重嘢就唔好啦, 重有 1.4米以下小童, 有免費救生衣借, 好細心架, 水上樂園開放時間 : 週一 ~ 週五, 9:30am~9:00pm, 週六及週日, 9:00am~9:00pm, 玩完可去四海一家食自助餐, 樂園門口有免費穿梭巴士前往, 問問人便知, 番禺迎賓路萬博中心, 兩日前訂位, 電話:34822266, $148/位, 1.4米以下半價, 5:00pm~10:00pm, 標榜全東南亞最大嘅自助餐, 爆爆爆, 呢間嘢左穿右插, 真係大到爆, 多人到爆, 好彩有訂位, 如果唔係就眼火爆, 食物種類亦多到爆, 要食齊每一款, 就肯定肚都爆, 食完打的返酒店休息.
第三日可以遲啲起身, 退房, 寄存行李, 預訂免費車去碼頭, 食完早餐, 打的去市橋行街, 車程7分鐘, $10人仔, 坐酒店白牌$20人仔, 什麼也集中在此區, 可以行一整日, 4:30pm, 便要打的回酒店, 打的睇表唔使講價, $9人仔.
希望幫到你, 祝旅途娛快,
酒店網址 : http://www.helenberghhotel.com/

你可以join 旅行團, 我剛剛 join 美麗華兩天團, 長隆大馬戲+長隆歡樂世界or動物園+水上樂園, 而住宿就在於你預多少錢, 我就住在廣州4星(約 45分鐘車程) $ 800, 最好當然是住返長隆, 5星兼且近( 步行5-8分鐘), 約 $1,500.

永安和康泰都有, 不好上網看, 因資料不太 update 及全面, 直接落分店吧.