最好消毒魚缸方法

我比較鍾意用天然的方法消毒魚缸,我沒有用過魚快治清毒魚缸。

我睇書講過,除左養魚專用的消毒魚缸產品,千祈唔好洗潔精或者其他家居化學物品清洗魚缸,因為殘留的化學物質你眼睛睇唔到,但係D魚就吸收哂入去,到時真係成缸魚全軍覆沒!

我建議你用粗鹽。粗鹽係魚缸消毒的最好幫手!但記住少少好啦~唔係要你醃魚呀~所以唔好用咁多!所有養魚的書都有咁教,而我自己亦都試過好work!

如果只係一般魚缸消毒,可以在魚缸入面撒少少廚房用的鹽就可以。

如果你想徹底的消毒魚缸,可以參考我以下的方法。
我的方法係:

1.先抽走魚缸1/3的水,然後將成缸魚放在另一個乾淨的容器(我之前係用水洗一洗個盆,又或者另一個spare"是啤"魚缸。)

2.然後將想消毒的魚缸先用清水沖一沖,再用洗魚缸用的海棉棒刷洗魚缸入面,記住,唔駛加任何清潔劑,係用清水。(海棉捧金魚街有得賣,細:$8~$10,大:$12~$20),如果好似我咁係12吋的細魚缸,用細枝就得0架啦!用海棉捧的用意,係將魚缸入面的苔蘚刷走,你會即時覺得魚缸"令左",入面冇左一層滑潺潺的膜,所以魚缸會"立立令"。

3.用手和清水再一次洗魚缸入面,將剛才滑潺潺的野徹底沖走。

4.將原本的魚連埋2/3舊水慢慢放番入缸,加番1/3新水,當然,呢1/3的新水係養水(隔夜水),再依說明書的指示加番適量的除氯氣藥水。

以上係原本養開魚,想徹底消毒魚缸的方法。

如果係開新缸養魚,或者係用死過魚的舊缸養新魚。
方法如下:

1.注滿一缸清水,然後加入少量廚房用的粗鹽,浸佢幾日。呢個時候你另外用桶裝定一些水留過夜(養水),目的係除氯氣。

2.浸完一兩日之後,倒左D水,用熱水沖一沖,然後將之前留起的隔夜水(養水)放番落魚缸。

3.將袋新魚唔好拆膠袋成袋放在水面。等十五分鐘,當袋入面的魚魚適應魚缸的水溫後,可以連袋入面的水放入魚缸。

因為我初養魚的時候,有個魚缸養親任何魚都死,連摩利魚生命力咁頑多都頂唔順。總之養乜死乜,起碼三至四次,仲要係全缸魚死清光,我覺得好似受左詛咒咁,好恐怖!其間我試過用甲基藍等等藥水消毒都一樣勁死魚。結果有網友教我用鹽消毒幾日,真係好有效。

希望幫到你!