往黃山的香港旅行團

去黃山可以考慮 "中國旅行社" 、 "現代中國旅行社" 或者 "博覽行", 康泰同永安你都可以去問下同比較下, 至於新華, 星晨, 東瀛遊果 d, 可以唔洗問, 因為中國線唔係佢地強項, 我唔敢講佢地冇黃山團, 但一定唔會多囉。

如果你鍾意影相 ge 話, 可以考慮博覽行或者現代, 博覽行搞好多攝影團, 攝影友就o岩晒。而現代, 係一間以中國線為主線 ge 旅行社, 佢去 ge 線路出面一般旅行社未必會去, 都幾有特色。至於中旅, 同樣係o係中國線路方面比較資深同有地位 ge 旅行社, 但中旅 d 團就會比較大眾化一 d。

我個人幾 buy 現代 d 團 (因為我唔係攝影友, 所以未跟過博覽行), 雖然現代 d 團費都幾貴 (我敢保證, 貴過晒出面一般旅行社), 但貴在有價值, 佢食、住方面未必會好豪華, 但行程確係比其他旅行社好, 同埋佢唔會行咁多購物點, 可以玩多 d, 睇多 d。仲有我最欣賞佢 ge 就係佢 d 團透明度好高, 有邊 d 團有人報左名, 成左團未, 上佢個網頁 ge "成團情況" 就可睇到晒, 變左自己可以有個預算, 唔會話一間又話成唔到團叫你轉過另一個 (我知道出面有 d 旅行社 ge 手法係明明未有人報名, 都話你聽差唔多成團, 等你點都報左名先, 但結果又話你知唔成團, 叫你去第二度...)

至於中旅呢, 正如我上面所講佢 d 團比較大眾化, 價錢方便亦都比較大眾化, 但行程呢, 我聽過有 d 人話好好 (中旅都有好多粉絲), 但我跟過佢 d 團就略嫌佢 d 景點行得太快 (導遊想快 d 行完 d 景點然後叫你比錢做加遊), 所以有 d 走馬看花 ge 感覺。

你話你拎左旅行社資料, 咁你有冇去 counter 問過價錢? 唔好靜係睇單張, 佢地 d 價錢好花巧, 同埋有時唔同日子出發又唔同價錢, 要問過 counter 比你個價錢至好信。

至於自由行, 睇下你住 d 咩啦, 如果你對住冇要求, 一般旅館仔都 ok ge 話, 咁都未必會貴好多, 但當然自由行的確係好自由, 但事前功夫就必須要做足, d 景點點樣行 (路線) 會方便 d, 去邊度要點搭車等等, 全部要自己黎, 而跟團就唔洗煩喇, 佢幫你安排晒。

以下有 3 間旅行社 ge 網頁, 你可上去睇睇:

中國旅行社
http://www.modernchinatravel.com/index.php

現代中國旅行社
http://www.modernchinatravel.com/index.php

博覽行
http://www.goexpo.com.hk/index.htm

2008-08-02 01:48:57 補充：
sorry! 中旅個網 copy 錯左, 呢個至真:

http://www.ctshk.com/home.htm