急!初生BB問題，一個憂心的媽媽請有經驗的媽媽或醫生解答。

1) 佢成日扭計可能係佢開始識得要人抱，BB會覺特抱著訓係舒服D架嘛，你放低左佢，佢喊你咪會抱番佢囉。況且老人家話BB會喊一百日，佢而家都係39日，所以喊係唔出奇。仲有夜晚喊得多過朝早，係因為朝早可能多D人聲，同埋光D多D野睇。但係到夜晚，尤其半夜，夜蘭人靜，BB覺得寂寞咪喊，等大人黎抱下佢囉。
至於佢喊係咩原因呢，就真係要你做媽媽既慢慢研究喇。因為你湊得佢多就自然知道係咩原因架喇。好多初為人母既媽媽都會同你一樣，唔知佢喊咩，但係都不外乎你講果幾樣架姐。咁你就可以試下逐樣睇喇，當然如果係岩岩換完片既話，佢又再喊，咁就可以將換片既機會減到最低，試下搵下其他因素。只要你細心D，慢慢就會知道佢係因為咩而喊架喇
產後28坊我真係唔知係咩，所以答唔到，唔好意思
飲奶方面，如果你放支奶埋佢個口到，佢肯啜既，就應該唔係奶既問題。因為如果佢唔鐘意飲既話，你點塞落佢口到佢都唔會飲架
2) 大便係身體吸收唔到，剩餘既廢物。開頭既大便係將身體內既胎毒排走，所以會多D。到後期胎毒排走晒，而BB每日都只係飲奶，吸收完剩低既大部份都係液體，邊有咁多廢物變成大便呢。加上佢既腸道未必發育得咁完善，日子耐D，就會慢慢改善，每日定時都會有大便架喇。我個仔果時睇醫生，醫生話見過有BB十幾日都冇大便，所以一兩日冇大便真係唔出奇
而個臉紅晒係因為佢便便果時要運功，谷D便便出黎姐。只要佢唔係谷到臉紅都痾唔出，又喊晒咁就冇問題架喇。而佢有5-6次濕片都好好呀
3) 每個BB既情況都唔同，有DBB好ENJOY掃背，有D就唔鐘意。若果佢係唔鐘意掃背既，你可以試下轉換一下個姿勢。你可以打直抱起佢，將佢個頭放係你膊頭上面 (你膊頭記住要墊塊毛巾，以免佢"UR"或者嘔時整污衊)，然後由下至上咁幫佢掃背。呢個姿勢多數BB都好鐘意架!!
另外仲有個方法係醫院姑娘教既，將BB坐係你大脾，將佢既PATPAT做中心，用手扶托住佢既下爬同後尾枕，然後由左至右咁打圈，轉幾個圈就調轉由右至左咁轉(速度唔需要太慢)。呢個方法都好快令BB"UR"，不過你個B坐唔定既話唔知呢個方法行唔行得通喇
4) 我記得我個仔出世時都有，好似好唔平滑咁。我都冇特別幫佢搽D咩，佢慢慢就冇左喇，而家成塊面都OK~
5) 可能係天氣熱起左D疹，你可以幫佢用溫水多D抹下，抹完之後搽一層好簿既CREAM。市面上有好多CREAM都防濕疹，永安，吉之島，荷花都冇得賣。百多元已經可以搽到兩個月，幾好用架 (我番屋企睇下我用緊果隻，非常好用，一見佢皮膚有小小紅，搽完冇幾耐就好番，都係一百幾十。太貴果D真係唔建議買)
6) 第一題都答左喇，慢慢黎啦。你會突然間有一日覺得自己知道佢點解會喊架喇
7) BB係媽媽個肚入面一直都浸住水，當佢出世後縮水就會甩皮。如果佢未甩晒你唔使特登幫佢"MEET"走架，否則會損同流血。只要你每日都有幫佢沖涼，洗頭，抹面，佢D皮就自然會甩架喇。記住每次沖完涼都要搽番層簿簿既CREAM，咁就已經夠架喇
至於頭頂既皮係會連埋頭髮一齊甩出黎架，佢之後會慢慢生番出黎架喇，唔使咁擔心，係正常既
每個BB都係與眾不同，記住唔好將自己既BB同人地比較。遇到有咩事情發生都要保持冷靜，即刻打比人，多一個人係你附近點都會安心D。而且湊BB係一個超級耐性挑戰賽，只要你有耐性，夠細心，慢慢觀察BB既一舉一動，你好快就會領略到一句俗語 "郁下條尾都知你想點"
祝BB快高長大~健康成長~

1) 佢成日扭計可能係佢開始識得要人抱，BB會覺特抱著訓係舒服D架嘛，你放低左佢，佢喊你咪會抱番佢囉。況且老人家話BB會喊一百日，佢而家都係39日，所以喊係唔出奇。仲有夜晚喊得多過朝早，係因為朝早可能多D人聲，同埋光D多D野睇。但係到夜晚，尤其半夜，夜蘭人靜，BB覺得寂寞咪喊，等大人黎抱下佢囉。

至於佢喊係咩原因呢，就真係要你做媽媽既慢慢研究喇。因為你湊得佢多就自然知道係咩原因架喇。好多初為人母既媽媽都會同你一樣，唔知佢喊咩，但係都不外乎你講果幾樣架姐。咁你就可以試下逐樣睇喇，當然如果係岩岩換完片既話，佢又再喊，咁就可以將換片既機會減到最低，試下搵下其他因素。只要你細心D，慢慢就會知道佢係因為咩而喊架喇

我產後都係食28坊，仲食下薑醋呀煮下糯米酒咁，都冇乜問題。總之揍bb一定要冷靜，適當時搵人幫....知冇！