急急 請問香港有咩地點位置適合用手拿嘅鱼絲魚牌釣魚

如果你真係咁鍾意釣魚,我建議你出去買一枝魚杆(筏仔),因為你真係想釣大魚,多數手牌係唔可以,因為就算比你釣到大魚,用手牌都好容易比魚絲燒手(即魚絲入肉),所以多數都拉唔到條魚上黎....出面普通一枝筏仔都係百幾蚊.你可以到鴨寮街睇下,果到又平又多(近西九龍中心對面)....另外魚杆唔一定要用名牌先叫好,只係佢地用料比較靚同輕身...完全唔會關釣唔釣到大魚事....另外,你想釣大魚,係碼頭最好比你釣到鱸魚~好彩既,都見到有人釣到幾斤(好少有)...想釣大魚一定要用生蝦,因為一般香港既大魚不外符-斑/紅鮪/立/鱸等等....佢地都係多數用生蝦就比較容易上釣...如果想釣大魚就出海比較好,因為碼頭邊要釣大魚=中六合彩....你係白沙灣碼頭對開有d租艇仔,$50一日有排有,不過唔知你識唔識扒艇仔~~如果識,你可以扒去匡湖居對出或者果到d游艇會對開都有好多大魚釣,我每次出去,都最少有一兩條斑收擭...多數都有成斤重~好彩都有幾斤...記住扒艇唔一定要去到好出先有大魚~因為多數大魚都會係舊船底/石邊附近出沒~~如果再有問題,你都可以再找我~~希望幫到你啦~~

唔該晒,我想問下喺白沙灣碼頭租艇仔要幾錢,點計,真係50蚊可以租成日?唔該再講長细d可以嗎?我都好想去試下玩ar!不過聽人講租船出海要成1000蚊先有得玩太貴啦,如果可以釣到條１斤嘅魚我就開心架啦,因為我真係好鐘意釣魚,多謝你既指點^^