曾經愛上一個女仔,為情左困已經有4年之多。
我同佢係同學關係,相識時為中二生。
記得第一次遇見佢既時候,只覺得佢好nice,
但後來,不知不覺地愛上左佢。從此,每當我
見到佢既時間,我就會心跳加速,見唔到佢果
陣,我會心亂如麻。我好想見到佢嫣然一笑,
我亦被佢既笑容深深地吸引著。
於是,我每日都諗起佢,就連發夢都見到佢。
中二果年,我作左首歌,上台表現,自彈自唱。
我係歌詞度暗示比佢聽,但係佢竟然唔知
我中意個果個人係佢,我感到失望。不過,
我仲未放棄,我嘗試同佢傾計,有時講下笑,
希望比佢知道。唉,點知佢都仲係冇表示,
我諗佢仲未知我暗戀緊佢。
後來,我每日上堂果時,小息果時,我都會
靜靜地咁望下佢,每當佢一笑,我個心就
甜到溜,就好似蜜糖咁甜蜜。
最近呢幾個月,我從舊同學知道,佢已經
同人拍緊拖,仲開始左成半年喇。我即
時心碎,眼中含淚,痛不欲生。
已經4年喇,我都仲係冇辦法忘記佢,點解?
我而家每次一諗起佢,我個心就好似比針
吉,我覺得好對佢唔住咁...係咪好怪?
仲有,我仲收藏左佢d相,有時對住張相,
望住佢個樣同佢傾計,我有冇病呀?
我仲成日同張相講,例如: 你要等我,
我愛你。我係咪病得好嚴重?
我知我份人好痴情,但係我而家好似
墮入左一個迷宮咁,我驚我有一日接受
唔到,會做傻事。
我應該點做?
更新1:
但係只中意佢一個,因為我對其他女人冇feel
更新2:
我覺得自己好失敗...
