我真係非常非常鐘意佢..
我都感覺到佢係鐘意我的...
我地暑假之後都升中七喇..要考AL..
我地兩個都係好顧讀書o個d人...
基本上而家已經開始一齊溫書...
佢好忙的..又補習又學野..
佢同我開始拍拖O個時已經同我講左..
話佢連自己都理唔惦..唔會理到我..要我體諒佢..
我o個時話我ok..因為我自己都忙都要讀書..
所以我們就在一起了..
但係呢..我地只係拍拖第一日一齊溫書..
之後連續3日佢都忙到無時間陪我..電話都無個..只係msn..
我肯定佢無呃我的...佢真係有好多野做..
到第5日我地先至一齊去街..
我可以理解佢無時間陪我..因為學業真係緊要..而且係我自願在先...
但係始終拍拖..竟然少見到咁..
就算我再忙..我都一定會將佢放o係我既schedule裏面..!
唉..我好想同佢講..你無時間陪我..都打個電話丫...
當係比少少安全感我..
之前我msn話我幾日無見佢...佢d字眼好似嫌我痴身咁..
定唔知佢咁o岩有野忙緊...心情唔好...
(我明白讀書O個種辛苦係會令人皮氣暴燥的..)
不過忙還忙..說話可以好聽d掛..我地至第一日拍拖咋..
好似一d都唔在乎我咁..
我真係好唔開心左3日...
AL黎緊啦..我真係要努力讀書架..
但係我既喜怒哀樂完全比佢控制..
佢一句說話可以令我3日咩書都溫唔到...
我又無理由叫佢唔好溫書黎陪我架...?
而且我地當初講好一定要以AL為先..
仲要係我話唔介意佢無時間理我..= =
不過我叫佢陪我....
如果佢O個日得閒..我感覺到佢真係squeeze時間出黎陪我既..
而且佢真係對我好好....
我成日搵住佢..又驚佢覺得我煩...
我唔搵佢..佢又真係唔搵我..咁唔通由得咁樣繼續落去咩..
有時又好似自己攞黎衰咁..係自己當初自願ga ma...
真係好影響我讀書既情緒.../_\
我相信佢AL之後會抽好多時間理我..
只要我地還是在一起的話...
所以我而家唔知點算... /_\
更新1:
我有諗過我地呢個timing在一起係不太好.. 不過我唔見得我唔同佢一齊會好專心讀書.. 因為我好鐘意佢..會成日掛住佢諗住佢..同佢一齊之前都溫唔到.. 佢應該唔知道佢影響得我咁勁架.. 如果我同佢講呢..好似先會影響到佢.. 而且我同佢講都唔合理啦..係我自己話唔介意佢理唔到我咁多既..
更新2:
其實我需要既係安全感.. 即使黎緊無得見..佢有時間打下電話比我..我都可以專心同佢各自努力! 同埋我想補充我地2個係唔同學校的.. 開學之後應該係更加無得見.../_\ 我希望我會用最短時間習慣呢種相處方式..然後專心AL先再算.. 最後..我想同第三位朋友講..我地一齊溫書係認真的..真係溫到架..唔係玩..^^"
更新3:
JUNO..可唔可以留你個MSN比我呀,,? 或者SD E-MAIL比我..^^ 因為想同你傾計..同埋同你傾上你的問題~ ^^