買Canon 40d 定 450d 好？再配咩鏡？

其實如果只係要拍你講嗰啲題材,450D都足夠應付有餘.40D比起450D最大優勝係動態方面的補足.畫質方面是差不多的,雖然450D像素仲高過40D.當然40D做工會比較好,功能強啲,用起來較就手.但在緊預算下就無謂使咁多錢.就算450D都唔駛,不如等就快出既1000D仲啱.
想影人像淺景深Canon就最好喇,原廠EF 50mm f1.8只係六百零蚊,定焦鏡光學質素好,又夠大光圈影你講既前清後矇人像相.
至於常用鏡方面,即係影景,人加景等其實用kit set支鏡己經可以.18-55mm乘1.6倍之後變咗29-88mm十分實用,我覺得要來影巨大建築物加人都夠用啦.再wide既就要三千幾蚊支,真係想買可以考慮Sigma 10-20mm f4-5.6 EX DC.
不過超廣角鏡使用上有啲難度的.人一擺側就會大細邊面,低角度又會搞到個人腳大頭細,前後景大小比例又誇張,影出來會好唔真實.適合要來玩效果多過影旅遊紀錄相的
以下網頁有3部機既規格
http://dcfever.com/cameras/brand.php?brand_id=2
無論買邊部機,單單影夜景係唔需要買閃光燈的.就算幾勁既閃光燈都唔夠力照光啲景.但係如果係夜景人像又有啲要求唔想用內閃的話可以考慮原廠430 EX,二千蚊左右,其實580EX II更好,不過價格會差成千銀,其實除咗夜景人像,平時猛太陽影背光相都好好用的,再低一級既220EX就唔建議,火力太細,日頭用會唔夠力.
至於腳架方面,其實只要夠穏陣,夠高就已經可以.去鴨寮街買都得,貴嗰啲主要係用料唔同,比較輕,實際功能係有啲分別,但對影旅行相唔係咁重要.高度最小要同眼平,最好唔駛升高中軸都有咁高,中軸升得太高會唔穏陣,不過咁通常就會太重.可以跟據自己可以接受既重量購買.