奧 運 馬 術 有 生 化 襲 擊 疏 散 安 排 -- 請問何謂 生 化 襲 擊 ?

生，即生物，由生物中提取出來的武器，如鼠疫；化，即化學，由化學品中混合而成的武器，如沙林毒氣。

美國出兵伊拉克嘅藉口係話伊拉克藏有大殺傷力武器，大殺傷力武器嘅定義係分咗三類，即核生化；所謂嘅 NBC 武器。
樓主講嘅生化武器係兩種唔同嘅嘢，生物武器嘅使用早自1346年，韃靼人圍攻熱那亞嘅卡發城時，用咗死於鼠疫嘅人嘅屍體，用彈石機射入城內將鼠疫散播，呢次亦係歐洲中世紀大鼠疫嘅其中一次嘅源頭。
現時軍用級嘅生物戰劑有四十幾種，但當中幾種嘅傳染性及致死性相當高，所以個名一定要講：佢哋係鼠疫、野兔熱、炭疽同天花病毒。
至於化學武器使用就近好多，在一次世界大戰時德軍先用氯氣，翌日英軍亦用相同手段報復。化武亦有分幾類，包括致死性、麾爛性、窒息性幾類。其實有過百種，較出名例子如：VX、沙林、氯、芥子氣、光氣等等。