男朋友 and 錢

妳睇下女仔同男仔俾妳既答案係幾大分別
不過其實妳唔洗介意佢地講既野
佢地好可能都係D唔受女仔接納既港男

講返妳個問題
其實我覺得男仔出哂錢係應該有既禮貌
女方有權距絕接受俾返錢
但係唔係必然要咁做
其實感情最重要真心同承擔大家既愛情
而唔係在於邊個出錢
係大家係咪共同互相付出感情先係首要既問題
金錢係付出既其中一個環節但唔係全部
如果男方請食飯而女方0係其他時候付出已經好足夠

至於妳話佢孤寒到連生日禮物都唔送
就真係極有問題,簡直就係唔可以接受
咁既情況只有3個可能:
- 佢唔細心到連咁都唔識做
- 佢孤寒到連女朋友都唔願意付出
- 佢並唔係真心愛妳
無論係咩原因都好,都唔可以接受
咁樣唔係做人男朋友應有既表現黎
我覺得妳要同佢反影下
如果佢講3講4妳就話俾佢聽呢D野係基本誠意
應該唔洗妳教,如果連咁都唔識做
咁將來點去做人呀爸,會連小朋友生日都唔理!?
叫佢做得似返個男朋友對感情有返D承擔

其實我0係外國住而我既另一半就0係香港
但係我從來都唔會好似001同002咁CHEAP唔願用金錢0係對方度
每次寄信都一定會有禮物一齊
而且都係用最貴既包裹箱同最貴既特快專遞
佢話叫我儲下錢,但我都只係選擇平D但仍然好有價值既野
但就一定唔會唔送生日禮物
其實好似個女仔生日咁重要既日子
一定要送最有紀念價值既野
就算係同一般女性朋友食飯我都會堅持我俾錢
只係佢地唔想成日我出,所以會今餐我出下一餐佢地出返
但係都唔會CHEAP到AA制咁難睇

愛情要雙方一齊多方面付出
最重要係有冇心意
如果將來人地叫妳證明妳同個男仔0係呢個時候開始相愛
妳有冇野可以實質證明到呀??

你咁問得, 好明顯佢係你心目中已冇其他野可以挑剔啦, 係咪?
而且, 其實你心目中已經幫佢諗左好多好多理由同藉口點解佢會咁做, 只係覺得自己咁樣幫佢諗埋又好似好唔抵咁.
無可否認, 拍拖既時候就係會去自尋煩惱, 不過希望你唔好一個唔小心鑽左牛角尖, 或衝動造出d無法挽回既局面就好喇^^
一個好男人諗野好簡單, 將心比自, 我覺得佢唔會主動做咁多野, 係因為佢希望認定你將來可以係佢「老婆」而唔係「情人」, and that's all.
順帶一提, 我當初同我老婆拍拖既時候, 我做得仲過分過佢好多, 直頭要我老婆俾錢去食飯睇戲, 但係依家既情況係: 我主動將我既所有收入交哂俾佢
I hope you can get what I mean~

开心就好!

不开心的话一切都是假的.

钱这种东西是让人享受的,而不是要做钱的奴隶的!

錢個問題呢.... 你地係讀緊書定做野先... 如果係讀緊書, 其實大家都無收入, 咁大家想拍拖, 就要一人行一步, 少不免要AA ..
但如果係做野, 都唔應該覺得請食飯, 一定係佢出, 有時要你出, 佢有時又出下... 成日都係其中一方出, 會好無引.... (卑人感覺係"唔通無錢, 就唔拍拖")

生日禮物... 咁佢生日, 你有無送卑佢gar? 都係個句, 雙方都要行第一步, 有時又要有少少暗示呢... 同埋要睇下你要d 咩生日禮物呢...

大家溝通吓 !!

問吓佢 !!

If NOT $ problem and he is 沽韓...
1- suffer it
2- broke up la !!
As a man if there is not $ problem and not spend some $ when go out with you.
唔要罷了 !!

2008-08-10 01:50:57 補充：
Don't help to point out any excuses for him la.
Clearly you love him more than he loves you.
You THINK he loves you and cares you NOT the thing I am thinking from your word.
May be he has other gf and need to spend $ on them lei.

Good luck la..

佢會唔會係經濟上有問題?佢唔知你嘅生日?佢唔記得你嘅生日?你有冇在佢的生日送禮物?佢係大男人嗎?
你好好地念一念~!
你可以send e-mail 俾我，回答我:[email protected]
<l>係細＜L>~!
你可以ｓｅｎｄ　可以唔ｓｅｎｄ～！

我覺得@@.你頂多可以覺得佢係呢D小事上唔細心囉.

但係你有咁既諗法就係因為你有香港女性既羊群心理喇^^

即係覺得男友比錢係風度呀,係細心呀,係識做呀係屋企人面前,係錫你呀...咁咁咁...不過我個人覺得.AA制點都好D.因為我覺得男仔爭比錢,死都唔比女友比錢.係大男人行為-____-AA制係愛情中公平既野.唔通你想用金錢去衡量呢D愛情咩?唔會丫嘛.或者1次請1次囉.有時唔係要計到清清楚楚.不過千祈唔好覺得要佢做呢D野係應份囉~如果你愛佢@@有時都真係要諗下係咪AA制好D喇~如果長遠黎睇.其實大人拍拖好晒錢嫁.你都要錫住佢D錢@@..因為我見好多大男人,即係爭比錢果D.係拍拖拍到冇錢-___-又要比女友食好野.出親街貴1貴咁.結果搞到要返工返多D.
所以重點係你諗清楚自己點解會咁諗先啦^^

雖然心意唔可以用金錢來衡量，但是我覺得在你生日的時候都沒有生日禮物，便很奇怪，就算是普通朋友也會送點小禮物表達心意。不要去評論那份禮物本身的價值，而是如果他有送的話，起碼證明他是有誠意的。因為心意和誠意本身就是很抽象的，所以需要用行動去表達。

而aa制的問題，我也同意如果男女朋友是用aa制的話，不如做普通朋友算了，那太沒意思，也顯得他太小家了，間中他俾，有時你俾，反而不會太明顯，而且可以想到~當你事後俾返錢佢的時候，而佢又無話唔使，申手同你拿的那一刻，你一定很不好受同有很多疑問。對嗎?

首先食飯既問題，佢係無$$定係唔想出，定係佢要你aa制先?
其實食飯我覺得唔洗aa制既，有時佢比下，你比下先有意思，我覺得aa制好似同朋友食囉，同埋aa制份人係太過計交，唔係咁好
至於生日禮物我覺得如果無，佢份人真係無咩心，就算係朋友都會食下飯，送下禮物啦，比著我都會唔開心囉，如果係我我就會出聲寸下佢囉，唔通自己死忍咩，忍無可忍，仲大獲

或者咁講，心意同錢銀係兩回事，你唔應該用請吃飯同送生日禮物來跟他的心意掛勾，你都識話同佢一齊，佢對你好好又關心你，咁呢個男仔已經好好了！

你在乎個男友請吃飯同送生日禮物，在我立場只感覺你太物質主義，其實有一個關心自己同真心對你好既伴侶，已經係夫復何求，切記，做人唔能夠貪得無厭，失去了才知珍貴，要追悔時就恨錯難返了！

唔好怪我咁講,你係咁希望佢同你出街會全包你既,你就唔好係度扮大方要等佢出聲啦.香港十個女仔,九個都係大安旨意要男朋友俾錢嫁啦,唔會有人話你嫁啵.關唔關心你事少呀,有個有錢又會俾錢你洗既男朋友先事大丫嘛,岩唔岩?