魚池水變了綠色,怎辦?

魚網撈得起o既係藻類，撈唔起o既，係綠水。
綠水台灣叫藻華／水華，意思係多種叫做小球藻o既單細胞藻類大量繁殖，令成個水體都變成綠色。由於佢係單細胞，你用乜野網，都唔會撈到o野。
綠水產生o既原因，其實係水中營養過多，加上光源太充足。所以養魚o既魚友如果用燈火數太大，或者個缸俾太陽照到，就好易出綠水。
你o既情況係水池，相信都無可能唔係露天啦，太陽光係全光譜，當然夠光！
綠水其實對養魚係好o既，因為小魚有好多食物，魚農直情係o係太陽曬o既日子倒肥入水池引發綠水！但人要睇魚，就唔會鍾意啦。
由於綠水係肥同光所致，唔搞好管理，你點換幾多次水、加幾多藥都會返發。室外魚池遮唔到光的話，就可以：
１．加強過濾系統，增加生物環，養多ｄ硝化菌，由佢地去處理水中ｄ氮、磷等營養。
２．加個ｕｖ燈。將水泵入ｕｖ燈，用紫外光殺ｄ藻，可以話係一個長期防治之法。
參考下呢度：http://www.tbs-aqua.com.tw/encyclopaedia/paper?paperID=206

因為

你個水池有D青台gum你D水變做jo綠色