大澳一日遊

其實一般人入大澳都係飲飲食食同影下相咁, 大澳又唔算好大, 所以都唔使d特別行程既...
圖片參考：http://tw.yimg.com/i/tw/ugc/rte/smiley_1.gif



而家最方便就係坐地鐵去到東涌東薈城, 旁邊就係入大澳既巴士總站, 好易搵, 上車唔使1個鐘就到架啦!


落左車, 首先可以享旁邊既海濱長廊度影相, 然後就正式開始行程啦!!


跟住d人行入去就到最旺果條街, 成條街都係賣咸魚蝦醬等等, 好有風味, 沿途都有路牌指示, 跟住行就得, 沿路好多野食, 好似烤魷魚呀, 茶果呀, 豆腐花呀, 仲有一檔燒大蜆, 好味到爆架, 問下人就知!!


過左賣咸魚果條街, 可以行過d參觀下天后廟, 或者行另一面過鐵橋, 過左對面, 又係一條咸魚街, 可以買d手信, 再沿指示行, 就會去到新基大橋, 果便就係有名既棚屋啦, 可以影相!


其實沿途都有好多細細間既海鮮酒家, 肚餓可以入去食海鮮同蝦醬炒飯, 正!!!


另外享鐵橋附近都有好多人會叫你去睇海豚, $30一位, 我未試過, 不過如果你想坐船都可以試下, 我諗都幾好玩既.....


大澳人都好友善又好好傾! 祝你玩得開心d啦!
圖片參考：http://tw.yimg.com/i/tw/ugc/rte/smiley_3.gif