做辦公室茶水亚姐有無前途

明比人呃拉。茶水阿姐點會有前途？！除非你進修返word，excel，辦公室實務等課程，佢地或者會考慮升你做office assistant 。
你要先考慮一下，唔做茶水阿姐，你出去可以搵到d乜野工作做。如果都係要做番清潔，茶水阿姐呢類工作，就無謂轉拉，除非呢份人工好差，做得好唔開心。呢類職位其實好多人爭，總好過做外判的清潔工。
有時，工作唔係要有前途，唔係一定會行行出狀元。要面對現實，衡量自己的工作能力，可以做到咩位，公司對自己好唔好，人工是否合理，褔利如何，與上司與同事關係如何？好多時，低級職位的都是死位，做足一世都唔會有得升。另外，每個人的能力都有限，有些人高些，可以做到經理，有些人低些，做一世都係文員，但最緊要知足，快樂。唔須要過份介意前途。
當然，有能力的，當想搵份好d的工作，好多時前途是要自己爭取，要進修，要轉工（有風險的）。有時，入職到一間好公司，比做到一份有前途的工更好，因為有前途的工唔等於人工高，好多時仲超多野做，又受氣。

我公司的 [辦公室茶水阿姐] 除了
1. 沖咖啡 , 茶水
2. 清潔 , 倒垃圾
之外 ,
仲會 , ...
1. 煮我老闆喜歡飲的 [糖水] , 一星期一次 [糖水] , 做下午茶 (全公司 , 公司錢)
2. 每月兩次 , 酬神 , 做芽 (包括買祭品 , 摺疊 , ...燒拜)
3. 如有重要事項 , 需要擇日 , 幫老闆查通勝 , 建議合適日期 / 時間
4. 幫老闆娘入數 (現金) , 有時數目不少 , 因為老闆 [信任] 她
5. 向老闆打小報告 , 因為她周圍行 , 睇到收到 [風]

有什麼緊要得過得到老闆的信任 .

有前途嫁,做得好,可以升左senior嫁,再遲d可以做supervisor!!!